Jisálamu 149:4 - O Mikanda Ikola

⁴ Kuma Jihova u sanzuka ni mundu uê; muene ua-nda ku uabhesa abelesela ni ubhulukilu uê.

Jisálamu 149:4 Iomraidhean Croise

Jisálamu 117:2

kuma jihenda jê javulu ja tu kuatela; o kidi kia Jihova kiemanenà-ku katé ku hádia ni hádia. Ximanenu Jihova.

Jisálamu 132:16

Jinganga jê ngi ji zuika kubhanduluka; akua bhata momo, a zanzuka, ni kusanguluka!

Jisálamu 147:11

Ki uabhela Jihova athu a mu kala ni uôma uê, ni athu oso a dielela jihenda jê-muène.

Jisálamu 22:8

Ua di fiiala Jihova, kiki a mu kudile-phe; a mu bhulule, kuma muthu uê ua mu uabhela kiambote.

Jisálamu 35:27

Embe-phe, a dikole ni ngalasa, a sanguluke, oso a ngi bande ku mulonga uami; a kale jinge mu kuila: Jihova a tane-ku, ua zolo selevende iê, iu ua mu bhana o kulúnga!

Jisálamu 90:17

O uabhelu ua Jihova, Nzambi ietu, u kale ku thandu dietu; u kôlese ikalakalu ia maku metu; èué, ikalakalu ia maku metu i kuate kiambote.

Jisabhu 11:20

Athu a kala ni xidi ia muẋima. Jihova a mu ibhila kiavulu; oso-phe emana nzanza mu uendelu uâ, ene ku mu uabhela kinéne.

Mukumbi ua Mikumbi 1:11

Makembu ma ulu u tuanda ku ku iudikila, tu phaphela-ku muene jifuma ja phalata.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Jelemiia 32:41

Anga ngʼenda ni ku sanguluka muene mukonda dia ene, kioso ki ngiia ni ku a bhanga o mbote, hé ngʼa kuna muene mu ixi muenhumu, ku kidi kiene, ni muẋima uami uoso ni muenhu uami uoso.

Sofoniia 3:17

O Jihova, Nzambi ié, uala muʼaxaxi ké, u ku bhulula ni kutena kuê, Muene ue u kala jinga mu sangulukila momué-eie; u batama jinga mu henda iê ia ku kuatela kizuua ni kizuua, u tana jinga momué ni ngalasa iavulu, kala mu izuua ia fesa.

Jihebeleu 12:10

Kuma jitata jetu mu xitu a tu beta jinga muene kithangana mu ku tu longa kioso kia mono kia uabha. Maji Nzambi u tu beta mu ku tu bhanga o mbote, phala tu nomone ku kidifua kiê kia kuzela.

I Phetele 3:4

Ku kale-phe kukemba kua muthu ua suama moxi, kuene o kuzuata ki ku kasana dingi, kua kubelesela ni kutululuka kua muẋima, kua te kiavulu bhu pholo ia Nzambi.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.