Jisálamu 149:3 - O Mikanda Ikola

³ A mu ximane o dijina ni kukina; a mu ximane ni kuxika kisàka ni kakoxi.

Jisálamu 149:3 Iomraidhean Croise

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

II Samuuele 6:16

Mu ku ki bhanga-phe, kioso kiala kubokona álaka ia Jihova mu mbânza ia Davidi, Mikala, monʼa Saúlo ua muhatu, u zongola bhu njanena, anga u mona muenexi Davidi uala mu tuka-tuka, uala mu kina bhu pholo ia Jihova: muene anga u mu tobhesa mu muẋima uê.

I Malunda 16:42

Kala kiki, ene-phe a kexile kiá kumoxi ni Jedutunu, ia akexile mu xika o jikoloneta ni tungoma, phala kuia ni kuivisa o ingolongondo ioso ia kuxika o jimujika ja mimbu ia kuimbila jinga Nzambi; maji o ana a Jedutunu-phe akexile mu langidila jinga bhu muelu ua dibhitu.

I Malunda 25:6

O ana ene oso enhá o jitata jâ muene, ene a a kexile jinge ku pholo ia ku a tumina phala kuimbila o mimbu mu inzo ia Jihova, ni kuxika tungoma, ni ísanji, tukoxi ni jimbânza, phala o ukunji ua inzo ia Ngana Nzambi. O Azafe ue, ni Jedutunu, ni Hemane, anga akala uâ mu ku a tumina kuala sobha.

II Malunda 20:28

Anga eza mu Jeluzaleme kʼonzo ia Jihova ni kuxika tukoji ni jimbânza ni jikoloneta.

II Malunda 29:25

Anga u ta o jilevita mʼonzo ia Jihova ni jingoma ja ngondo, ni jikakoxi ni jimbanza kala kia tuma Davidi ni Ngade, ua kexe mu ku zambuila sobha ni polofeta Natane; mukonda kiene kia tumina Jihova, ku lukuaku lua jipolofeta jê.

Ejidala 3:10

Kioso akua kutunga kia te madisesa ma Tembulu ia Jihova, jinganga eza kiá a zuata, eza ue ni jikoloneta; o jilevita, anʼa Asafo eza ni jimbânza phala kuximana Jihova, kala kia xindi Davidi, sobha ia Izalaiele.

Jisálamu 30:11

Kudila-phe eie ua ngi katula-ku, mua ngʼiza kukina! ua ngi zula o kidiniaji, eie ua ngi kembesa ni ngalasa.

Jisálamu 33:2

Sakidilenu Jihova ni kuxika mbànza; mu imbidienu ni kakoxi ka kuinhi dia ngoji.

Jisálamu 81:2

Tu kuatienu mukumbi, bekenu kangoma, ni mbànza iauabha dízui, ni kakoxi.

Jisálamu 81:3

Xikenu o mbungu ia mbeje ia thathama, ni ia mbeje iaii kiá ku mulundu, kizuua kietu kia fesa, kieza-bhu!

Jisálamu 87:7

Ni iá akua kuimba, ni iá akua kukina, hé a ki ta muene ku mukumbi, exi: Bhʼotho ietu, bhu tunda o kuzediua kuetu, bhenhobho, Ngana, bho-bhué.

Makatukilu 15:20

Bhenhobho o Midiiana, polofeta, phange ia Alá ia muhatu, u kuata kangoma ka manzuela, u tuamena, ahatu oso a mu kaiela ni tungoma tuâ ni kukina.

Jelemiia 31:13

Kuabhu-phe, muhetu ua muzeletete ua kà sanguluka mu ku kina, ni minzangala ia mala ue, ni iá a kuka kiá; o kudila kuâ nga kà ku bilula kusanguluka, hé nga kà a konda malamba, o dilamba diâ nga kà di bilula kutana

Jelemiia 31:4

Hanji nga-nda ku ku tunga dingi, ua kà kala ua tungiua, eie u muzeletete ua Izalaiele! Hanji ua-nda ku kemba ni isaka ié, ua kà tunda kumoxi ni iá a mu kuimba ni kukina.

Afundixi 11:34

Jefete anga u vutuka bhu Mixipa bhu bhata diê; bhenhobho-ze monʼê ua muhatu u tunda mu ku mu kauidila ni isaka ni kukina; muene-phe muene monʼê ngó umoxi-elèle, ka moneka dingi mona, né ua diiala, mba ua muhatu.