Jisálamu 149:2 - O Mikanda Ikola

² Izalaiele a sanguluke ni ió uoso ua mu bhanga; anʼa Ziione a kale ni ngalasa, mua muene muenexi uâ.

Jisálamu 149:2 Iomraidhean Croise

Jobe 35:10

Maji ki bhuala ngó muthu, uila: Nzambi uala kuebhi ua ngi bhange, u bhuselela mimbu ia diximanu usuku uoso,

Jisálamu 47:6

Imbenu o diximanu dia Nzambi, imbenu; imbilenu muenexi uetu, imbenu o diximanu diê.

Jisálamu 95:6

Ndokuenu tu bhetame, phala tu bhezienu, tu fukame bhu pholo ia Jihova ua tu bhanga.

Izaía 43:15

Eme ngi Jihova, Lemba dienu dia Vumu, Mubhangi a Izalaiele, ngi sobha ienu.

Izaía 52:7

Inama iê kuuabha kuahi, ku milundu kuná, ia ió ueza kutula njimbu ia kubhanduluka, ni kuivisa kioso ki bhulukisa muthu; ueza kuambela Ziione kuila: Nzambi ié muene uala ku ungana!

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Jouele 2:23

Enu-phe mu anʼa Ziione, tanenu-ku mu sanguluke mua Jihova Nzambi ienu, mbata muene ua kà mi bhana ió u mi longa mabatuilu ma kidi, ua kà mi tuluila mvula ia kudinji ni ia kasamanu bhu mbeji ia dianga, kala ku dimatekenu.

Habakuke 1:12

Tunde mʼokulu Eie kʼemuene u Jihova, Nzambi iami, Ukôla? Ki tualʼiki, Ngana, ki tua-nda kufuila-bhu; kuma Eie Ngana, o muiji iú ua u te phala kufundisa ni kubatula, kiene ki ua ki bhangela, Eie u ndanji ia kidi, kuma muiji iú ua u xindi kienhiki phala kulonga.

Sofoniia 3:14

Sanguluka ni kuimba, eie monʼa Ziione, tumbujuka ni ngalasa eie Izalaiele, tana-ku u ximane ni muẋima uoso eie u monʼa kilumba mu Jeluzaleme.

Sofoniia 3:15

Jihova ua sondolola o kufundisa kué ni ioso ia xindile ku ku bhanga; o nguma jé ua ku takuilá-ju dikanga; Jihova, Sobha ia Izalaiele, uala muʼaxaxi ké, kana-ku dingi kiaiibha ki ku kana.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Matesu 21:5

Monʼa Ziione, mu tangele, Sobha ié iu uiza, kindala u ku sanga; Ua belesela, uendela ku búlu, Monde iê seseme ia bûlu.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!

Luka 19:38

A taneku, muenexi ueza mu dijina dia Ngana! Uembu ku diulu, fuma mu madimbinza mònene kua Nzambi!

Nzuá 19:15

Ene-phe a di kola, exi: Aie-nê; Aie-nê! Aie-nê, ku dikulusu! Pilatu ua ambela, uixi: Sobha ienu, kífua muandala ngi mu ta ku dikulusu? Makota ma jinganga, exi: Etu ki tuala ni sobha iengi! Sobha ietu Sézalu ngó, kuabhu!

Matendelelu 12:7

Ima ienu ikôla bhene bhu mu i dila, bhu pholo ia Jihova Nzambi ienu, anga mu sanguluka mu ima ioso i mu tula o lukuaku luenu, nʼenu ni mabhata menu, mu ima ioso iejila mu dibesá dia Jihova Nzambi ienu.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Dijingunuinu 19:6

Kienhókio anga ngʼívua kala dízui dia mundu ua dikota, mba kala dízui dia dibhubha dia menha, mba kala dízui dia kinuminu kia suina kia nzaji, dixi: Ximanenu Nzambi! Mukonda o Ngana, Nzambi ietu, Muteni-a-Ioso, muène Sobha.

I Samuuele 12:22

Mbata Jihova ka ẋikina ku ambudisa mundu uê, mukonda dia dijina diê dikola, mukonda Jihova kia mu uabhela o ku mi bhanga mu mundu uê-muene.