Jisálamu 148:7 - O Mikanda Ikola

⁷ A ximane Jihova, tunde kiá mu ngongo, ni enu mu iama muʼalunga ni mu ididi ioso iazongo;

Jisálamu 148:7 Iomraidhean Croise

Dimatekenu 1:21

Nzambi anga u bhanga iama iònene iendela mu menha, ni jimbiji ja muenhu. Mu menha anga mu sokoloka kiavulu ku idifua-idifua, ni jinjila jenda ni mabhabha ku idifua-idifua; Nzambi anga u mona kuma kiauabha.

I Jisobha 13:28

Kienhokio uia, anga u sanga kimbi kia takukila mu njila, kumoxi ni bulu ni hoji, jemana bhu mbanduʼa kimbi; hoji mukutu ka u dile, mba kujibha o bulu.

Jisálamu 104:24

Eie, tata, u Jihova, ikalakalu ié kuvula kuahi! Iene ioso ua i bhange ni uhete, o mu ngongo muezala ni jimbongo jé!

Izaía 27:1

Mu kizuua kienhókio, Jihova ua kà sunga xibhata iê ia kolo, iónene, ia nguzu, iene ia kà bhana na-iu o njumbu kua Leviatane, o kinhoka ki lenga lusolo, ni kua Leviatane, muene kinhoka kia di jinga lukata, anga o mudikixi uene muʼalunga ue, nʼa u jibhe.

Izaía 43:20

O iama ia mukáu ia-nda ku ngi bhikila jinga, ni jinhoka ni anʼa kihendembumba; kuma nga-nda kuta menha-mu-menha mʼoxi ia kisekele, ni jingiji ji kunguluka mu dinhana, phala kunuisa povo iami, o mundu uami u nga tungula.