Jisálamu 146:8 - O Mikanda Ikola

⁸ Jihova u jikula o mesu a ifofo; Jihova u bhetula ió a zeka bhoxi; Jihova u zola ió aiuka.

Jisálamu 146:8 Iomraidhean Croise

Jisálamu 11:7

Kuma Jihova uaiuka, uinda ioso i kala ia kuiuka; oso emana miẋima nzanza, ene ngó a kà monà pholo iê.

Jisálamu 145:14

Jihova u balumuna oso a di bhale, hé u bhetula oso a zeka bhoxi.

Jisálamu 147:6

Jihova u zangeleka ió a di tululula; abhukumuka-phe u a tununa muene katé bhoxi.

Izaía 35:5

Bhenhobho-phe o mesu a ifofo a kà jikuka, ni mátui a maxilu a kà xitunuka.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 42:18

Mixilu, ivenu: enu ifofo tonenu, phala mu tene kumona.

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 9:30

O mesu mâ anga ma jikuka. Jezú anga u a tendelela, uixi: Alukenu, ki mu kʼijidise muthu.

Nzuá 16:27

Mbata Tata muène ua mi zola, mukonda enu mua ngi zola eme, enu mua ngi xikana kuma eme nga tundu kua Tata.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

II Kolindo 7:6

Kiene kimoxi Nzambi mukua kutululukisa oso a bhondalala, ua tu bhana kutululuka mu kuiza kua Tito.

Efezo 1:18

Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,

Matendelelu 33:3

Muene mu kidi ua zola o ifuẋi; athuʼê angene ala bhu lukuaku luê; ene enda ni kuxikama bhu inama iê, phala kala muthu nʼende ni kutambula-ku ku maka mê.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.