Jisálamu 146:6 - O Mikanda Ikola

⁶ Ua bhanga o diulu ni ixi, ni menha a kalunga, ni ima ioso iala-mu; mukua kukumbidila o kidi katé ku hádia ni hádia, sé kufula.

Jisálamu 146:6 Iomraidhean Croise

Dimatekenu 1:1

Mu dimatekenu Nzambi ua bhanga diulu ni ixi.

Jisálamu 100:5

Kuma Jihova muthu uambote; kulenduka kuê ki kuene kúbhua; o kukumbidila kuê ku xalela ku miji ioso.

Jisálamu 115:15

A mi zediuise kuala Jihova, ua bhanga o diulu ni ixi.

Jisálamu 117:2

kuma jihenda jê javulu ja tu kuatela; o kidi kia Jihova kiemanenà-ku katé ku hádia ni hádia. Ximanenu Jihova.

Jisálamu 33:6

Kizuelu kia Jihova kiene kia bhanga o diulu; kifuẋi kioso kiala-ku kiejila ku muha ua dikanu diê.

Jisálamu 89:2

Kuma nga mono o jihenda jé ja tunguia muene katé ku hádia; o ufiiele ué ki u budika dingi, ua kuata kala kia kuata o diulu.

Jisálamu 89:33

Kiene kimoxi, jihenda jami ki ngi ji katula kua muene, ki ngi fulu dingi o ufiiele uami.

Jisálamu 95:5

Musanza ua kalunga uê muène, kuma muene ua u iudika; o mavu a kanga muene uaʼombu ni maku mê.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Makatukilu 20:11

kuma mu izuua isamanu muene mua iudika Jihova o diulu ni ixi, ni kalunga, ni ima ioso iala-mu, anga unhoha kia kasambuadi; kia bhangesa Jihova kubenzela o kizuua kia sabhalu, iu ua ki kôlesa.

Jelemiia 32:17

Auá! Jihova, tata! Eie ua iudika o maúlu ni ixi, ni kutena kuoso kua nguzu ié, ni lukuaku lué lua sununuka; kanaku kima ki u mona kuila kisunji ku mesu mé.

Daniiele 9:4

Anga ngi dionda Jihova Nzambi iami, nga di fisala, ngixi: U Nzambi ionéne, u kuatesa uoma! Eie uene mu kukumbidila o kikutu, u mukua ku kuatela henda kua ió oso a ku zola, hé aiuka o ijila ié;

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Nzuá 1:3

Ima ioso iòbhange, Nzambi ua i bhangela mua muène; kana kima kia bhange Nzambi sé muène.

Nzuá 10:34

Jezú uixi: Manhi mu Kitumu kienu, ka ki soneka-mu, exi: Nzambi uedi: Enu mu jinzambi?

Jipoxolo 14:15

Enu jingana! Mu bhangela-hi kiki? Etu uetu tuala tu athu ni akuenu, o jihânji jene jimoxi! Tua mi bhana-phe o Jingolokela Jambote kuila mu-xa imʼ iii ia makutu, mu lunge kua Nzambi ia muenhu, ua tena kubhanga o diulu ni oxi, ni musanza ua kalunga, ni ima ioso iala-mu.

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.

Kolose 1:16

Mukonda ima ioso Nzambi ua i bhangela mua muène, ni ku diulu, ni mu ngongo, ni iii ia moneka ku mesu, ni ioio ki iene kumoneka ku mesu, kixi o jinguzu joso ja nzumbi, kixi makusuina, kixi maungana, kixi atumini. Ima ioso Nzambi ua i bhangela mua muène, kuma ioso ia mu tokala muène.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

Dijingunuinu 14:7

Anga u tanga ni dízui dia suina, uixi: Nzambi mu kuatedienu uôma, mu ximanienu o unéne uê! Kuma o kumbi diê dia kufundisa athu oso dia bhixila! Mu bhezienu, ió ua bhanga o diulu, ni oxi, ni musanza ua kalunga ni jithu ji fuafua o menha!