Jisálamu 146:4 - O Mikanda Ikola

⁴ Mukonda o anʼathu kubhuima kuâ kúbhua, ene anga a vutuka ku mavu; mu kizuua kienhókio, o ilunji ié ioso ia di boto.

Jisálamu 146:4 Iomraidhean Croise

Dimatekenu 2:7

Jihova Nzambi anga úmba muthu ni mavu ma bhoxi, anga u mu bhusila mu mazulu o mûha ua muenhu; o muthu anga u di bhanga muthu ua muenhu.

Dimatekenu 3:19

ku suualu ia pholo ié kuene ku ua kà dia o mbolo ié, katé ki ua kà vutuka ku mavu; mukonda kuene ku ua tundile; kuma eie uala u mavu, ku mavu kuene ku ua kà vutukila.

Dimatekenu 6:17

Mukonda ijiia na-kiu kuma eme nga-nda kulundulula dilúvio dia menha mu ngongo, phala ku buidisa o xitu ioso iala ni muenhu bhoxi dia diulu; ima ioso mu ngongo ia kà buika.

Jobe 14:10

Maji-phe, muthu ki a fua, anga u diua kiá muene … xi! muthu kuila ua tula muenhu, abha-phe u kala dingi kuebhi?

Jobe 14:21

O anʼê a kà kala ni kijingu sé muene ku kʼijiia dingi, mba a tunuka, hé a sebuluka sé muene ku ki tongolola dingi.

Jobe 17:1

O muenhu uamni ua muia ni kujikinina, o izuua iami ia muia ni kujimuka, bhu pholo iami kiala-bhu ngoho, o mbila iene, kuabhu.

Jobe 17:11

O izuua iami ia bhiti, o ima ioso i ngandalele kubhanga ia di boto, ni ioso ia semene o muẋima uami ki ia xikina dingi.

Jobe 27:3

Kioso momuʼami ki mu kala hanji muenhu ni mulenge ua Nzambi mu dizulu diami,

Jisálamu 104:29

Ki u sueka pholo ié, a tata; ki ua a tambula o kubhuima, afua; kindala a biluka mavu.

Jisálamu 33:10

Jihova u fudisa o phangu ia akua jixi; kikutu kia athu mu ngongo u ki sukika.

Jisálamu 90:3

Muthu-phe u mu sekumuna, uixi: Vutukenu mu mavu, enu mu anʼa athu.

Ndongixi 12:7

O fufuta ni i vutukila ku mavu kala ki ia kexile, o nzumbi anga i vutukila kua Nzambi ua i bhele.

Ndongixi 9:6

Katé ue ni henda iâ, ni kizembu kiâ, ni luimbi luâ, ima ioso ienhiʼii ia kexe na-iu ia jimbila ue kiá; o ku mivu iii ene kala-ku dingi ni mbandu iâ ku ima ioso i bhanga athu Kulu-dia-Mundu.

Izaía 2:22

Kala kiki-phe, o muthu uala ngoho ni mulenge ua kubhuimina mu dizulu diê, mu sondolokienu. Mukonda muene ue a mu ximana ni kima kiahi?

Kuditenda 4:20

O na tudilu dia kubhuima kuetu a tu ûndila-nê kua Jihova, a mu kuatela mu madiela mâ; o muene-phe, muene tua mu edile, tuixi; né kiá ki tu bhinga ku xalela muʼaxaxe ka akua jixi, tua kà kala mu kilembeketa kia muene.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

I Kolindo 2:6

Maji-phe eme nga mu tanga o unjimu uene mu ʼaxaxe ka athu a tenena kiá mu nzumbi. Maji kʼ o unjimu-phe ua mu ngongʼ umu, ki unjimu ue ua makota ene kutumina ku mundu, a xikamena kuila o kutumina kuâ kuanda kujima.