Jisálamu 143:8 - O Mikanda Ikola

⁸ Ngi bhangese kuivua o kulenduka kué mu kimene, kuma eie-muène nga ku dielela; ngʼidikize o njila ioso i nga tokala kuila, kuma o muenhu uami ua bhetukila ko kué.

Jisálamu 143:8 Iomraidhean Croise

Jisálamu 119:34

Ngi bhane kilunji, ngʼaluke o ngonge ié; ngi ta-ku muene muẋima uami uoso.

Jisálamu 119:73

Maku é ene a ngi bhanga, ia a ngi sokejeka; ngi bhane kilunji kia ku di longa o itumu ié.

Jisálamu 143:10

Ngi longe kubhanga o vondadi ié, kuma eie-muène u Nzambi iami; o Nzumbi ié iambote a ngʼendese mu kididi kia sokelela.

Jisálamu 25:20

Ngi kudile, Ngana, u ngi bhane muenhu; ku ngi kakule, nga lengela ko kué.

Jisálamu 27:11

Ngi longe, Ngana, o njila é, u ngʼendese mu ikoka iatu, ki iala ni kubhengalala, mukonda dia jinguma a ngi batamena.

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Jisálamu 32:8

Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

Jisálamu 42:8

Suke kiene, maji Jihova-phe kà kamba kutuma o kulenduka kuê mu muanha; o mu usuku ngi kala jinga ni muimbu uê, u kala musambu ua kubheza Nzambi ia muenhu uami.

Jisálamu 46:5

Nzambi iú bhobho, muene uala muʼaxaxe kê, kididi kiê ka tena ku ki sendumuna; Nzambi u di meneka mu ku a kudila.

Jisálamu 5:8

Ngendese, u Jihova, mu njila ja uiukilu ué, mukonda dia iá a ngi batamena; njila ié ki i kale ni jihonda bhu pholo iami.

Jisálamu 59:16

Eme-phe ngi ku imbila mukonda dia nguzu ié iavulu; ngi suína dízui mu kimene, mu tumbula o kiadi kié ni kusanguluka; kuma eie Ngana u ditala diami dia di leka, u kididi kiami kia kulengela bhu kizuua kia kutata kuami!

Jisálamu 86:4

Ngi selevende ié, ngi tanese o muẋima; kuma ko kué, Ngana, ku nga zangula muenhu uami.

Jisálamu 90:14

Tu ikutise mu kimene ni kiadi kié; phala tu sanzuke, tu sanguluke jinge izuua ioso ia muenhu uetu.

Izaía 30:21

O mátui mé, mà kévua dízui ku dima dié, di ku fuetela kuila: Iii iene o njila, endelenu muenhumu; kana kuabhukila ku lukuaku lua kúdia mba lua kiasu.

Izaía 48:17

Jihova, Mubhuludi ué, o Dilemba dia Izalaiele, uambe kiki: Eme Jihova Nzambi ié, u ku longa kioso kia uabha, hé u ku endesa mu njila i ua fuama kuenda mu ku di-tela.

Kuditenda 3:41

Tu lekienu o miẋima ietu ni maku kua Nzambi ku diulu, hé tuamba kuila:

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Afundixi 13:12

Kuala Manoua: Tamano ki bhita muene kioso ki ua zuela; tu bhane-phe kijila kioso ki tu sasa o mona, ni ioso muene ia kà bhanga.

I Samuuele 23:12

Davidi-phe, uixi: Manhi akua Keila a ngi thelekala ni makuenze mami bhu maku ma Saúlo? Jihova uixi: A ku thelekala muene.