Jisálamu 143:1 - O Mikanda Ikola

¹ Ngʼivue musambu uami, eie u Jihova; bhetama dítui, u ngʼivue o kudikola kuami; u ngi vutuile mu kukumbidila kué ni kidi kié.

Jisálamu 143:1 Iomraidhean Croise

II Samuuele 7:25

O kiki-phe, u Jihova Nzambi, kizuelu kié ki ua bhana, kia tokala kua mubhikʼé, ni kia tokala ku dibhata diê, kumbidila-kiu mu mivu ia kambe dizubhilu, u bhange muene kioso ki ua tange.

Jisálamu 140:6

Eme-phe nga ku ambela, Ngana, ngixi eie-muène u Nzambi iami; ngʼivue kioso ki ngi dikola ko kué, u Jihova.

Jisálamu 17:1

Ivua, Ngana, o kidi, u Jihova tatuʼodio. Bhulakana musambu uami, ua ngi tundu ku mizumbu sé ngó makutu.

Jisálamu 31:1

Ko kué, u Jihova, ku nga lengela; ku ngʼehele kukakuka! ngi bhulule, Ngana, mu kubatula kué kua kidi.

Jisálamu 71:2

Ngi kudile mu kutetuluka kué, u ngi katule mu iluezu; ngi bhetamene o dítui dié, u ngi bhulule.

Daniiele 9:16

Jihova tata, mukonda dia jihenda jé ja vulu kinéne, sondolola njinda ié ni kutemanana kuosʼuku ku ua tula ku thandu dia dibhata dié dikôla Jeluzaleme, uene ku mulundu ué uangene; mukonda o ki tualʼiki ituxi ietu, ni ikuma ia jitata jetu, iabheka môndo kua Jeluzaleme ni ku mundu ué, ala ku tu ta-u muene kuala athu oso u tua tunga-nâ a tu kondoloka mu jimbandu.

I Nzuá 1:9

Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.