Jisálamu 142:4 - O Mikanda Ikola

⁴ Nga talesa bhu mbandu iami ia madilu, kana-bhu dilemba; ku ngi lengela ki ku moneka; kana muthu kia mu kuatela kima, né muenhu uami ua di boto.

Jisálamu 142:4 Iomraidhean Croise

Jobe 11:20

Maji-phe o isuéia, mesu mâ ma kà zonda; disuamu diâ ki dia kà moneka; kudielela kuâ, kua kà kala ngoho o kúfua kuene.

Jisálamu 1:6

kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 140:6

Eme-phe nga ku ambela, Ngana, ngixi eie-muène u Nzambi iami; ngʼivue kioso ki ngi dikola ko kué, u Jihova.

Jisálamu 141:9

Ngi kuate, Ngana, kuma a ngi tela mubhetu, akua kukalakala mangonha, a ngi lungila muene jingànda.

Jisálamu 143:4

Kala kiki, nzumbi iami ia xala mu kubhondalala, o muẋima moxi, ua ngi bhuuama!

Jisálamu 31:11

Enhó a ngi zembe, a ngi mono kusekala; akua bhata ala ku ngi ta môndo; katé ni makamba mami a ngi kuata uoma, kia ngi mona mu nzunga, a ngi lenga.

Jisálamu 69:20

Malebhu a ngi tolola o muẋima moxi, kihongo kia ngi kuata kala kia kukata; nga tale uoso u ngi kuatela henda, maji ki bhuala muthu; o u ngi konda malamba, ki ngi mu mono.

Jisálamu 88:18

Ki ngʼene thumba, ki ngʼene samba; ndandu ni kamba a ngi muangana, kamba diami kífua o usuku.

Jisálamu 88:8

Jingijiue jami ua a sondolokesa dikanga; ua ngi bhange kukala ngi musúnda, athu a ngi lenga; a ngi jikila-ku, ki ngi tena kutunda.

Jelemiia 18:22

Kioso eie ki ua-nda ku a tukumuisa ni kibuka kia masoladi, uívua nzongo ia kudikola i tunda mu jinzu jâ! Mbata a kande diela phala ku ngi kuata, o inama iami a i tela mabhebhe mu njila.

Jelemiia 25:35

Abidi kà ka kala ni dilengelu diâ, mba kubhuluka kua makota ma kilunga.

Jelemiia 30:17

Mukonda o kudisanza kué nga-nda ku ku vutuila-ku anga ngi saka o itoto ié, eme ngi Jihova, kuma ala ku kuixana: Na kahukunhu, ni kuila exi: Na Ziione, mukonda ka moneka dingi muthu u muʼibhula.

Jona 2:8

Oso a kaiela ukumbu ua kubheza iteka, ió a lueza, kuma a sanduka bhuʼotho ia henda ié ia kidi.

Matesu 26:56

Kiene kiosuʼiki-phe kia bhiti, phala kubhitisa o Maka mòsoneke mu Madivulu ma misèsedi. Bhenhobho jixibulu joso ji mu-xa, ji lenga.

II Timote 4:16

Ku dimanda diami, ki nga diangele kufunda, kana muthu ua ngi bandele. Ene oso a ngi xile. Nzambi tamanu ka a tela na-kiu mu konda iâ!

I Samuuele 27:1

Davidi anga u amba ku muẋima uê, uixi: Hinu bhu kala kizuua ngi buila ku lukuaku lua Saúlo. Ki ngalʼiki kota ngi lengela kʼoxi ia akua Fidíxia; koko-phe Saúlo-phe u ngi lémbua kiá, ka kala dingi mu ku ngi sota mu jimbámbe ja Izalaiele, o miẋima uê ki u dielela dingi ku ngi kuata; kiene ngó ki ngi ẋangumuka bhu lukuaku luê.