Jisálamu 140:5 - O Mikanda Ikola

⁵ Akua izala ió a ngi tela mabhebhe ni múkala; a ngi fika kúfua mu uanda ua mikolo ua ngi tela; a ngʼolekela mibhetu ku mbanduʼa njila.

Jisálamu 140:5 Iomraidhean Croise

Jobe 18:9

Dibhèbhe dia kà mu kuata mu kasènde, o kimbokoto kia kà mu tolola muene.

Jisálamu 119:110

Isueia a ngi tela mukala; maji o ijila ié ki ngi i lueza.

Jisálamu 119:69

Akua izala a ngʼona kiavulu milonga; maji eme-phe ni muẋima uami uoso, ngʼaluka o ijila ié.

Jisálamu 119:85

A kua izala a ngi kandeia madiela, athu ka xikina kubhanga kala kiala mu ngonge ié.

Jisálamu 142:3

Kioso o muẋima uami moxi ki ua ngi kala ni kubhondalala, eie-phe uejiia kiá njila ioso i nga tokala kuila, kuma mu njila i nga kuata, a ngi tela-mu mubhetu.

Jisálamu 31:4

Ngi sukunune mu uanda ua ngi tela manhanga; nga ku dielela eie ku ngi bhana o muenhu.

Jisálamu 35:7

Kuma a ngi tela uanda ua ku ngi kuata; sumbala o mulonga u nga te ki u moneka; sé ngó kikuma, a ngi kandeia diela mu njila, phala kukuata o muenhu uami.

Jisálamu 36:11

Kuehele kinama kia akua izala ku ngi diata; mba lukuaku lua isuéia ku ngi landameka.

Jisálamu 43:1

Ngi tetuluile, Ngana Nzambi, u ngi fundile o mulonga uami ni mbutu ia athu a iibha o muẋima; ngi kudile ku kiiala mukua makutu ni mangonha.

Jisálamu 57:6

Kuma a ngi tela uanda ua ku ngi kuata o inama, ni muẋima moxi ua ngi zondo; a ngi kandeia diela mu njila mu ngi bhita, iá-phe a dibhadiâ-mu ene. (Selah.)

Jisabhu 24:15

Eie u muthu ua bhumu, kana ku batamena ku dibhata dia muthu ua iuka, o kididi kiê bhua kondamena eie ku ki sekalese.

Jisabhu 29:5

Muthu uoso u kuata kuhanza mukuâ, phala ngó ku mu kuata kafua-pholo, kiókio ua mu zalela uanda mu njila.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Jelemiia 18:20

Manhi mbote a i futa ni phulu? Oko a kande o diela phala o muenhu uami! Lembalala kuma eme ngemana bhu pholo ié-eie, phala ku a zuela mbote ia ene, phala njinda ié ki ia a tule, i ile kuengi.

Jelemiia 18:22

Kioso eie ki ua-nda ku a tukumuisa ni kibuka kia masoladi, uívua nzongo ia kudikola i tunda mu jinzu jâ! Mbata a kande diela phala ku ngi kuata, o inama iami a i tela mabhebhe mu njila.