Jisálamu 140:3 - O Mikanda Ikola

³ Dimi diâ a di zuika kala dia nhoka, kuema dia mizumbu iâ, kuala ikolakola kala ia madiuta. (Selah.)

Jisálamu 140:3 Iomraidhean Croise

Dimatekenu 3:13

Jihova Nzambi anga u ambela muhatu, uixi: Eie phalaʼhi ua bhange kiki? Kuala muhatu; o nhoka ia ngi tobhesa, eme nga di.

Jisálamu 57:4

Mukonda o muenhu uami ua batukila muʼaxaxi ka jihoje; nga zeka mu kaẋi ka athu a uama túbhia; anʼathu muene edi o mazu kenéne kala jisosa ni matoma, o dimi diâ dia soko ni xibhata iatu.

Jisálamu 58:4

Ala ni ikolakola ia di fu ni ia nhoka; mukuâ ni diuta dia muxilu, diala ni mátui ma xiti,

Jisálamu 59:7

Tongolola-kiu, kuma mu kanu diâ mu tunda ima iaiibha, o ku mizumbu iâ kua xikama ngó jindaka; kuma amba, exi: Nanhi muene u tu ívua.

Jisabhu 12:18

Sai athu, uzuelela uâ u toma ku miẋima kala jiphondo ja xibhata; dimi-phe dia jihete ja kuzuela, di bheka kudisanza.

Jisabhu 23:32

Ku ia kà suka koko, inumata kala nhoka, ialala mukua ni kita-sèle.

Jisabhu 6:14

Mu muẋima mua mu tungu usuéia, mu ithangana ioso ufunha jindunge jaiibha, uenda ni kukuna jimvunda mu jinvunda.

Izaía 59:13

Tuedi ni kulueza, ni ku ta makutu mu ku bilukila Jihova, ni ku ta dikunda kua Nzambi ietu, tuexi ni kuzuela kua ungumba ni kubhukumuka, ni kuimita ni kulusa maka ma mangonha ku muẋima.

Jelemiia 9:3

Oleka o dimi diâ kala uene o mufula uâ, mu kuta o makutu; a di suinisa maji ki phala o kidi, kana: mukonda a muia dingi ku pholo ni kubhanga usuéia mu usuéia, eme a lémbua ku ngʼijiia, Jihova ua ki tange.

Jelemiia 9:5

Muthu ni muthu u bhanga mukuá kasekelu, ka zuela kidi, lémbue: dimi diâ a di longesa kuzuela o makutu; a di bhuidisa muene ni kubhanga ima ia iibha.

Kuditenda 3:62

O mizumbu ia oso a fundumukina o ku ngi lua, ni ilunji iâ iala ku ngi funhina eme ku kumbi dioso dia kambamba eie ua ijiia.

Matesu 12:34

Enu mu muiji ua madiuta! Mu tena kiebhi, ki mua iibhʼiki, o kuzuela ima iambote? Mbata kioso kiezala mu muẋima, kiene ki zuela o dikanu.

II Kolindo 11:3

Maji kala Eva kia mu nganalele kuala o nhoka ni makutu mê, eme uami ngala ni hele, sumba ku matelu-matelu, enu uenu ilunji a mi juualesa-iu, nʼa mi katule o kubheza Kristu mu kuzela ni kuiuka.