Jisálamu 136:1 - O Mikanda Ikola

¹ Sakidilenu Jihova o mbote iê; kuma kulenduka kuê ki kuene kúbhua.

Jisálamu 136:1 Iomraidhean Croise

I Malunda 16:34

Sakidilenu Jihova, kuma muene mukua kubhanga mbote; mbata kulenduka kuê ki kuene kúbhua.

I Malunda 16:41

O Kua ene ku di-ta dingi Hemane, ni Jedutunu, ni ió oso a a solo dingi, a a tumbula ku majina mâ, phala kuximana Jihova, kuma o kulenduka kuê ki kuene kúbhua.

II Malunda 20:21

Anga u di longesa ni mundu, iú ua tungula akua kuimbila Jihova, phala aie ni kuximana Ngana Ukôla, mu kutunda ene a songuela ió abhakata, ni kuila: Ximanenu Jihova, mukonda o kulenduka kuê kua kalelà-ku.

II Malunda 7:3

Ana oso a Izalaiele kia mono o túbhia ni unéne ua Jihova ua mu tuluka ku thandu dia inzu, a bhetamena jipholo bhoxi, ku mavu, hé a diunda, a ximana Jihova; mukonda mukua mbote, mbata o kulenduka kuê ki kuene kúbhua.

II Malunda 7:6

O jinganga emana ku ibuka iâ; jilevita ue emana ni ima ia kuxikila mimbu kua Jihova, ia bhangele sobha Davidi phala ende ni kuximana Jihova, mukonda o kulenduka kuê ki kuene kúbhua, kioso Davidi kia kexi mu ku mu ximanena ku ukunji ua ene; o jinganga aia ni kuxika jikoloneta bhu pholo iâ, o Izalaiele ioso-phe emana.

Ejidala 3:11

Anga a kuata ku di tambuijila mu kuimba, ni kuximana, ni kubhana fuma kua Jihova, ni kuzuela, exi: Muene ukôla, kuma jihenda jê ji nangenena ku thandu dia Izalaiele. Mundu uoso hé a kuata kutana ni ku dikola ni dízui dia suina, mu kuximana Jihova, mukonda dia ku ta madisesa ma inzo ia Jihova.

Jisálamu 100:5

Kuma Jihova muthu uambote; kulenduka kuê ki kuene kúbhua; o kukumbidila kuê ku xalela ku miji ioso.

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Jisálamu 105:1

Sakidilenu Jihova, hingilenu o dijina diê; kolenu ku mundu o ikalakalu iê.

Jisálamu 106:1

Haleluia! Sakidilenu Jihova; kuma muene mukua kubhanga mbote; mukonda o jihenda jê ki jene kúbhua.

Jisálamu 107:1

Ximanenu Jihova, o mbote iê iene mu bhanga; mukonda o jihenda jê ki jene kúbhua.

Jisálamu 118:1

Sakidilenu Jihova, kuma muene mukua mbote; mukonda jihenda jê ki jene kúbhua.

Jisálamu 119:68

Eie, Ngana, u muthu uambote, u bhanga o mbote iene; ngi longe o kaiula ka jingonge jé.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Luka 1:50

O henda iê ia kalé ku miji ni miji ku thandu dia iá oso a mu xila.

Juda 1:21

Phala mu suine ni ku di bhaka mu henda ia Nzambi, ni kukinga o kulenduka kua Ngana ietu Jezú Kristu katé kia mi bhana o muenhu ki uábhua.