Jisálamu 133:3 - O Mikanda Ikola

³ Mukuâ ni dimume dia mulundu ua Helemone di kulumuka ku milundu ia Ziione; kuma mu uphange kala kiki, Jihova ua bhake-mu dibesá, maji dibesá dia muenhu ki uà bhua dingi!

Jisálamu 133:3 Iomraidhean Croise

Jisálamu 16:11

Eie u ngʼidikiza njila i bheka kuala muenhu, kuala kusanguluka kua mbote bhu pholo ié; o ku lukuaku lué lua kúdia sai-ku ima ia vondadi ki i kumu dingi.

Jisálamu 21:4

Muene ua ku bhingi muenhu, eie ua mu bhana-u; ni kuvula izuua, iiza jinga ngó katé ku hádia ni hádia.

Jisálamu 21:5

Fuma iê iavulu mukonda eie ua mu bhulula; eie ua mu te dibete dia ujitu ni ungana.

Jisálamu 42:8

Suke kiene, maji Jihova-phe kà kamba kutuma o kulenduka kuê mu muanha; o mu usuku ngi kala jinga ni muimbu uê, u kala musambu ua kubheza Nzambi ia muenhu uami.

Jisabhu 19:12

Sobha, o ki muiza kutema, mukua ni muzonga ua hoji ia munzangala; o ki muiza kubhanga mbote, mukua ni dimume di tula ku kisasa.

Ijila 25:21

Kuabhu-phe Eme nga-nda ku mi tumikisa o dibesá diami ku muvu ua kasamanu, anga oxi ikuata kuima ibundu katé mu mivu itatu ia muvimba, sé kulalumuka.

Mikeia 5:7

O mbandu ia subhuka-bhu ia Jakobo anga ia kà di funga mu akua miji iandumba, a kà di bhanga kala o dimume dia tundu kua Jihova, a kʼèla kala mvula ia kizeke ki i sukila ku thandu dia sabhelela, ia bhingi ki i kinga kima ku muthu, mba idielela kima kioso-kioso ku anʼathu mu kunoka kuê.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Nzuá 5:29

Oso a bhange kiambote, a kà fukunuka mu kutambula o muenhu ki uàbhua. Maji oso a bhange kiaiibha, a kà fukunuka phala ku a êlesa.

Nzuá 6:68

Ximá Phetele u vutula, uixi: Ngana, tuia kua nanhi? Eie-eie uala ni maka ma muenhu ki uâbhua.

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Matendelelu 28:8

Jihova ua-nda kutuma kusuku-muina o dibesá diê ku itula ié-eie, ni ku ikalakalu ioso i u bhanga ni maku mé; anga muene u ku bhana kuzediua mʼoxi ioso ia-nda ku ku bhana Jihova Nzambi ié.

Matendelelu 4:48

Tunde kiá ku Alouele, bhu nzènde ia kahonga ka Anone, katé ku mulundu ua Siione; Siione-phe muene Helemone.

Josuué 13:11

ni Ngiliiade, ni mbambe ioso ia akua Jesule, ni akua Makata, ni mulundu uoso ua Helemone, ni Basane ioso katé Sálaka;

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.

I Nzuá 5:11

O umbangi uê uenhú: Kuma Nzambi ua tu bhana muenhu ki uàbhua, o muenhu uenhú-phe tu u tambuila kua Monʼê.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.