Jisálamu 131:1 - O Mikanda Ikola

¹ U Jihova, muẋima uami ki uala ni izala, kana; ki ngala mu xikulula mesu ni katunda koso! Ki ngi di metena imbamba ia ngi tundu, mba ngi sota imbamba ia makota ki i ngi tokala!

Jisálamu 131:1 Iomraidhean Croise

II Samuuele 6:22

Ngi di sebulula muene dingi, kiki ndenge, ngi di tolesa muene ku mesu mami eme-muène; o tuhatu-phe tu ua tangeʼoto, ene a ngi bhana jinga kijingu.

Jobe 42:3

Kala ki uambe, uixi: nanhi muenhó ni ku kamba kuijiia, u tena kusueka o kikutu? Kidi, muene, nga didi ngó ku zuela; nga zuela ima ia ngi tundu, ia madiuanu, ima eme ki nga ijidile.

Jisálamu 101:5

Uoso uenda ni kabódio ka kutatela mukuâ, ió eme ngi mu jima o mbutu; o uala ni ukumbu ua mesu ni izala ia muẋima, ki ngi mu ehela.

Jisálamu 122:1

Nga sanguluka kioso kia ngʼambela, exi: Tu bandienu ku onzo ia Jihova.

Jisálamu 124:1

Hé ki Jihova uala ku mbandu ietu, Izalaiele a ki zuele kiá;

Jisálamu 133:1

Kidi bá! kima kia fuama, kia di uabhela kiambote, ki u sanga jiphange a takana mu muẋima umoxi!

Jisálamu 139:6

Nga diuana kuijiia ku kala kiki! kua ngi tundu, ki ngi tena-bhu!

Jisabhu 21:4

Mesu a di tudika ni muẋima ua di zangeleka, kituxi; katé ni ikalakalu ia athu abhumu ue, kituxi.

Jelemiia 17:16

Maji eme ki nga lenguluka kukala ngi kafunga kuema dié; mba ngó kuila ue nginda kizuua kia hadi, eie-muène ua kʼijiia; kioso kia tundu ku mizumbu iamiʼuku kikié bhu pholo ié.

Jelemiia 45:5

Eie anga uia ni kusota maunéne? Kana ku a sota; Mukonda nga-nda kubheka kuiibha ku thandu dia xitu ioso, eme ngi Jihova, eie-phe o muenhu ué uene u nga-nda ku ku bhana kuma iene o mbole ié kuoso-kuoso ku u di texila.

Dialuilu 12:3

Mozé-phe ua kexi muthu ua xididika, athu oso mu ngongo ndenge.

Matesu 11:29

Di tuikienu jungu iami, mu di longe ko kuami; mbata eme nga belesela, nga batama muẋima, nda mu mone kutululuka kua jinzumbi jenu.

Jipoxolo 20:19

Nga sedivila Ngana ni kubatâma kuoso, ni masoxi. O kieniokio, sumbala ni iluezu i nga bhiti na-iu mukonda dia Jijudé ku ngi ta ikutu.

Loma 11:33

O jimbongo ja Nzambi kuvula kuahi! Kuzonga kuahi o unjimu ua Nzambi, ni kuijiia kuê! Mukuahi u tena kulombolola o kaiula kê? Nanhi u tena kutongolola o ikutu iê?

Loma 12:16

Kalenu ni muẋima umoxi mudienu ua ku di tuma kiambote. Ki mu di zangeleke ni ukumbu, maji mu xikina kubhanga ikalakalu ia kikexilu kiatolo.

Matendelelu 17:20

Kulengesa o kuila muxima uê u kala ni izala, nʼa lungulukila o jiphange jê; phala ka batuke ue ku kijila, nʼa di tele ku kadilu mba ku kiasu; mbé o izuua iê-phe ia kukala ku utuminu iende ni kuvula muene, ni muene ni anʼê muʼaxaxi ka Izalaiele.

I Tesalonika 2:10

Enu mu jimbangi, Nzambi ue mbangi, kuma tu athu a ujitu, tu athu aiuka, tu athu ki tu moneka kikuma, mu kuenda kuetu mu ʼaxaxe kenu oso mua xikana.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.

I Samuuele 16:18

Dikuenze diê diamukuá anga u kumbulula, uixi: Eme-ze ngejiia muthu, monʼa Jese bhu Beleme, mesene muene ia kuxika, diiala dia nguzu, dikuenze dia ita, mujitu mu kuzuela, muthu ua kuuabha, o Jihova ue uala-nê.

I Samuuele 16:22

Saúlo anga u tuma kuambela Jese, uixi: Nga ku diondo, Davidi a xale kunu bhu pholo iami, kuma ua ngi uabhela muene.

I Samuuele 17:15

Davidi anga u kala mu kuila, hinu u kala kua Saúlo, hinu u kala ku bhata mu kuinga jimbudi ja tatʼâ mu Beleme.

I Samuuele 18:23

Akua mbèle ia Saúlo anga a zuela maka enhá mu mátui ma Davidi, Davidi-phe uixi: Enu kifua kia mi tolela o kukala holomeʼa muenexi, eme muene ngi ngadiama ia hatu, ngi muthu a ngi tènde?