Jisálamu 128:5 - O Mikanda Ikola

⁵ Jihova ku mbanza iê ia Ziione, a tume ku ku zediuisa; eie u mone o kubhanduluka kua Jeluzaleme, izuua ioso ia muenhu ué.

Jisálamu 128:5 Iomraidhean Croise

Jisálamu 118:26

A tane-ku ió uoso uiza mu dijina dia Jihova; tu sange Ngana! Tua mi menekena tunde mʼonzo ia Jihova mumu.

Jisálamu 122:6

Sambenu phala Jeluzaleme a kale ni kutululuka; oso a ku zola, Jeluzaleme, a bonga kuzediua.

Jisálamu 134:3

A mi bhane dibesá di tunda mu Ziione, o dibesá dia Jihova ua bhanga o diulu ni ixi.

Jisálamu 135:21

Jihova a tane-ku, tunde mu Ziione, kuma muene ua tunga mu Jeluzaleme. Haleluia!

Jisálamu 20:2

Ku mbanza iê ku tunde a ku banda, ku tunde mu Ziione a tokala ku ku kuatekesa.

Jisálamu 20:3

A lembalale o maujitu u ua mu bhakuila jinga, a ẋikine o sata ié ia kuoha. (Selah.)

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Izaía 33:20

Talesa-ze ku Ziione, diembu dietu dia ionge ikôla; o mesu mé ma kà mona Jeluzaleme, dibhata dia ximbakata; iene o balaka i xalela-ku, jiphapha jê kene ku ji vuza, o mikolo iê ki iene kubatuka.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.