Jisálamu 128:2 - O Mikanda Ikola

² Ku muanu ua ikalakalu ia maku mê u dia-ku, u zediua, u lunga, u bhanduluka, kuma ima iê ioso ienda kiambote.

Jisálamu 128:2 Iomraidhean Croise

Dimatekenu 3:19

ku suualu ia pholo ié kuene ku ua kà dia o mbolo ié, katé ki ua kà vutuka ku mavu; mukonda kuene ku ua tundile; kuma eie uala u mavu, ku mavu kuene ku ua kà vutukila.

Jisálamu 1:3

Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

Jisálamu 109:11

Mukua kúdia mangonha a mu bhûnde ima ioso iala-na-iu, akua makanga a mu bhûnde ima ioso ia kalakala.

Ndongixi 8:12

O mukua ituxi némbe o kuiibha u ku bhanga mu luhama, anga o izuua iê i vula muene, hanji kima kimoxi ki ngejiia mu kidi, kuila ió oso a xila Nzambi ene a zediua, oso muene kiá a kala ni uoma bhu pholo iê.

Izaía 3:10

Athu a iuka a tangedienu, kuma alunguʼâ; mbata ku ibundu ia ikalakalu iâ, a-nda kua kà dia-ku.

Izaía 62:8

Jihova ua loka ni lukuaku luê lua dilu, ni lukuaku lua undanda uê, kuila nuka dingi a kà bhana o tiliku ié kukala huta ku jinguma jé, o akuʼaxi iengi ue ka kà nua dingi o maluvu mé u ua talela o hadi.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Jelemiia 22:15

U kala muene ku ungana, mukonda ua di jikila mʼonzo ia musédulu, kuambe? Mbe tatʼenu ka dile, ka nuine, ka kumbidile ubatuilu ua mbote ni uiukisilu? Bhene-phe bhua muena ujituʼobho.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

Efezo 6:3

phala ioso i kuende kiambote, u kole muenhu mu ngongo.

Matendelelu 28:11

O jimbote Jihova ua-nda ku ku vudixila-ju kiá, akuenu oso ndenge; u ku bhana-ju ku ibundu ia divumu dié, u ku bhana-ju ku ibundu itunda mu ibhaku ié, u ku bhana-ju ku ibundu ia mavu aʼxi ié, mʼoxi ia lokela Jihova ku i bhana ku jitata jenu.

Matendelelu 28:39

Ua kà phapha mivide ia vulu, anga u i dimina muene, maji, kua kà katula-ku tuvinho tua kúnua, mba u kanza-ku ji-uva, mukonda tubamba tuene kujeja, tua kà i sasala.

Matendelelu 28:4

Ia kà zedikua o mbutu i tunda mu divumu dié ni mbutu i tunda mu díbhia dié. Ia kà zediua o mbutu ia ibhaku ié ia jingombe, mba ilunga ia jimbudi jé. Tua kà zediua o tuana tua jingombe jé ni tuana tua jimbudi jé.

Matendelelu 28:51

Luvualu luoso ta ibhaku ié ene a kà lu habula anga a lu minha, a kʼèkuta jinga ni idima iaʼxi ie, katé eie ua buika; enhá ima ioso a kà ku bhûnda-iu ka kà ku xila mbolo, mba ngó tuvinhu, mba maji, né ibhanga ia jingombe mba ilunga ia jimbudi, katé eie muene ua jikinina.

Matendelelu 28:8

Jihova ua-nda kutuma kusuku-muina o dibesá diê ku itula ié-eie, ni ku ikalakalu ioso i u bhanga ni maku mé; anga muene u ku bhana kuzediua mʼoxi ioso ia-nda ku ku bhana Jihova Nzambi ié.