Jisálamu 127:2 - O Mikanda Ikola

² Kingoho ue o kudimeneka ku thonga, ni kuseiala usuku kudia kua ku di huha; kuma oso a a zolo kuala muene, a a bhela ku kilu.

Jisálamu 127:2 Iomraidhean Croise

Jobe 11:18

Ua kà dívua kuila ua kondama, mukonda uà kala ni kudielela; ua kà iala mu jimbandu anga u zekʼé muene ni kutululuka.

Jisálamu 3:5

Nga zekele, ngele muene ku kilu; kuaki, nga tono; mukonda Jihova muene ua ngi bhake ku muenhu.

Jisálamu 4:8

Kala kiki, ngi zeka ni kutululuka, ngiia muene ku kilu; mukonda eie u Jihova uala ku ngʼinga; né ku ubheka uami ngala bhua kondama.

Jisálamu 60:5

Mukonda a nʼé a jihenda a bhingi ku a bhandulula, eie-phe itaié ni lukuaku lué lua dilu, u tu bhulule.

Jisabhu 10:22

Dibesá dia Ngana diene di muesa jimbongo; o umvuama u tunda kua muene ki u bheka dilamba.

Ndongixi 1:14

Nga tonginina ku ikalakalu ioso iene kubhanga athu kulu-dia-mundu, nga i mono kuila ioso muene kingoho ni lamba dia muẋima.

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Ndongixi 5:12

O kilu kia muthu u kalakala, ki touala muene nzué, né uadi bhua tolo, mba u dia bhua vulu. Maji o mvuama, mukua itadi ia vulu, o itadi iê ki i muehela kuzeka.

Ndongixi 6:7

Muthu o kikalakalu kiê kioso kia kalakala, u kalakalela o dikanu diê, maji o luimbi lua muthu-phe ki luene mbambe.

Jelemiia 31:26

Ku iene iosuʼiii-phe, ngi phaphumuka hé ngi tala; kakilu kami ngevu kedile muene: Nzué!

Izekiiele 34:25

Hé nga kà ta na-ju kikutu kia paze, o iama iaiibha mu ngongo nga kà i zubha-mu, o jene hé ja kà tunga ni kukondama mu kikangalakata, hé ja kà zekʼé muene mu matutu.