Jisálamu 127:1 - O Mikanda Ikola

¹ Jihova se ua kambe kutunga dibhata, a tala ngó hadi oso a di tunga; Jihova se ua kambe kulanga mbonge, mulangidi né ua tono, lémbue.

Jisálamu 127:1 Iomraidhean Croise

I Jisobha 5:12

Ngana anga u bhana o kuijiia kua Solomá kala kia mu ambelele kiá; anga bhu kaẋi ka Solomá ni Hilamu bhu kala kutululuka kuasoko muene mukonda kiiadi kiâ a tele kikutu kia ukamba.

I Malunda 28:10

Talesa-phe kindala, kuma Jihova ua ku solo phala u mu tungile o Tembulu iê Ikôla, Suina-phe, u bhange o kikalakalu.

I Malunda 28:20

Davidi anga uambela monʼê Solomá, uixi: Suina, u kale u kindanda, u kalakale. Ku kale ni hèle, mba u kala ni uoma. Mukonda o Jihova Nzambi, Nzambi iami, uanda kukala ni eie. Muène kanda ku ku xisa ubheka, mba u ku ehelela, katé ki u zubha o kikalakalu kioso kia inzo ia Jihova.

I Malunda 29:19

O Solomá dia monʼ ami, mu bhane muẋima ua tenena, phala aluke o ijila iê, ni maumbangi mê, ni itumu iê; ni kubhanga ioso, ni kutunga o dizemba didi di nga mu lungila o ima ioso íii.

Jisálamu 120:1

Mu kubhondalala kuami nga dikola kua Jihova, muene iú ua ngʼivu.

Jisálamu 121:1

Ngi bhetula mesuʼami ku milundu, kuebhi ku ngi tundila kubhanduluka?

Jisálamu 122:1

Nga sanguluka kioso kia ngʼambela, exi: Tu bandienu ku onzo ia Jihova.

Jisálamu 123:1

Ko kué ku nga zambula mesu, eie ua tunga ku maúlu!

Jisálamu 124:1

Hé ki Jihova uala ku mbandu ietu, Izalaiele a ki zuele kiá;

Jisálamu 125:1

Oso a dielela kua Jihova, a kala mukuâ ni mulundu ua Ziione, ka tena ku u zambesa, maji ua xikama kididi katé ku hádia ni hádia.

Jisálamu 126:1

Kizuua kia bheka dingi Jihova athuʼê ku Ziione, a tundu mu ku a balakala, tuedile kala tua mu kuanjiua nzoji.

Jisálamu 72:1

O muenexi mu bhane kutongoloka kué, Ngana Nzambi, o thungunu ue mu bhane o kutetuluka kué.

Jisálamu 78:69

U tungisa o tembulu iê kala kipena kia diulu, ia kuata kala oxi ki i sendumuka dingi.

Jisabhu 16:9

O muẋima ua muthu, u xinda o njila iê ia kuenda; maji Jihova muene u mu tesa díkanda diambote.

Ndongixi 9:11

O ki nga lunguluka, nga mono ku mundu kuila o lusolo ki lua ió ngó a bhebhuluka, mba o mazonda ene ngoho a tolola o ita, né ue o kúdia ki phala ngoho oso ejiia, mba o jinjimu ene ngoho a mona o umvuama, mba oso a xitunuka mu thulu ene ngó a bonga o ujitu, maji o ibatu ni jithembu ja tokala ene oso mu uzediuilu ua muthu ni muthu.

Mukumbi ua Mikumbi 3:3

Kienhokio alangidi a kexi mu langa mbonge, a ngi sange; eme hé nga ebhula, ngixi; O ió a mu zola kuala o muenhu uami, enu mua mu mono?

Mukumbi ua Mikumbi 5:7

Alangidi a kexile mu kulanga o mbonge, a ngi sange, a ngi beta, a ngi kuama. O thanga iami, akua kulanga imbaka, a ngi katula-iu.

Izaía 27:3

O díbhia didi, eme muene ngi Jihova nga mu di langa. Ngi di tekela mu ithangana, ngiia ni ku dʼinga usuku ni muanha, phala ki bhu kale muthu u di bhanga phulu.

Izaía 56:10

Alangidiʼâ oso ala ifofo, kʼejiia kima; a di bhange jímbua ja mabubu, ja lémbua kubuza; jaii ku kilu, ja zeka, ja uabhèla kubôua.

Izaía 62:6

Jeluzaleme, tata, nga tula-ze alangidi ku thanduʼa imbaka ié, enhá muanha ni usuku ka tena kudixibha; enu mu akua kutumbula Jihova, momuenu ki mu kale ku dixibha;

Jelemiia 51:12

Olekenu dibandela ku thandu dia imbaka ia Babilonha, kilangidilu ki kole, tenu alangidi, iudikenu mibhetu; mukonda Jihova ua xinganeka iú ua bhange kala kiambele ku mbandu ia iá a tungu mu Babilonha.

Jelemiia 51:31

Muambatiʼa mikanda ua kà lenga mu ku takana ni muambatiʼa mikanda ua kamukuá, o mukunji mu ku takana ni mukunji ni mukuá, phala ku ki tangela sobha ia Babilonha kuila o mbanza ié a i tambula kiá mu jimbandu joso.

I Kolindo 15:14

O ki kala Kristu ka fukunuka, etu o kukola kuetu kima kia ngó, ni enu o kuxikana kuenu kima kia ngó.

I Kolindo 3:7

Uila kiki, ua kunu ki kima, ua tekela ki kima, maji o ua kulu-phe Nzambi ua tena kukudisa.

Ngalásia 4:11

Nga mi kala ni hèle iavulu! Manhi o hadi ioso inhá i nga mi talela kifua iaié ngó?

Matendelelu 8:18

Kana-phe! Inda mu lembalala jinga, kuma Jihova Nzambi ienu muene ua mi bhana o nguzu ia kumona o kuzediua kuosʼuku; ua ki bhangela-phe phala kuxikika o kikutu kia lokele ku jitata jenu kala ki kia di monekena leluʼidi.

Josuué 2:2

Anga a ki tangela sobha ia Jediko, exi: Usuku ua lelu-ze, kua bokona mala a tokala ku anʼa Izalaiele, eza kulonda ixi.