Jisálamu 123:2 - O Mikanda Ikola

² Mukuâ ni mesu a mubhika kia tala ku lukuaku lua muadiʼê ni mesu a kahatu kia tonginina ku lukuaku lua ndona ua mu vu, kiene ue kia lungu o mesu metu kua Jihova, Nzambi ietu, katé kia tu kuatela henda.

Jisálamu 123:2 Iomraidhean Croise

Dimatekenu 32:26

O muenhú anga u amba, uixi: Ngehe kiá ngiie, kuma ku kúkia kiá. Muene-phe, uixi: Ki nga-nda ku ku ehela kuia, se u kamba ku ngi bhana o dibesá.

Dimatekenu 49:18

Nga kinga ubhulukilu ué, u Jihova.

I Jisobha 1:20

Kiki-phe, kùku, ngana iami, o mesu a Izalaiele ioso ala kokué, eie-muène a ku kinga ku a ambela uoso u tokala ku ku bhingana ku kiandu kié kia ungana.

II Malunda 20:12

Ai! Nzambi ietu, tata! Manhi hádia eie kua kâ a fundisa? Mukonda momuetu sé-mu nguzu, mu kumona o kifuẋi kiosuʼiki kia mu tuʼendelʼetu. Ni kia kubhanga tua lémbua ku kʼijiia! Kuabhu! Maji-phe o mesu metu tua ma te kokué.

Jisálamu 119:82

Mu mesu muala ku ngi bhita-bhita kiá, mukonda ngʼandeka okulu ni kutala ku kizuelu kié, ngala kuila: Ngana hinu u ngi tukulukila bhebhi, mu ku ngi konda o malamba?

Jisálamu 25:15

Mesuʼami a kala jinga kua Jihova; kuma muene u ngi sukununa inama mu uanda.

Luka 18:1

Jezú anga ua tela kifika phala ku a longa kuma a tokala kusamba jinga, sé kubhuila;

Josuué 10:6

Mala a tokala mu Ngibiione-phe, atuma jiphunga kua Josuué, bhu kibangu kia Jidingale, exi: Abhikʼé ku tu ehele-kiu; banda muene lusolo kunu, u tu kudile; tu bande, kuma jisobha joso ja Mamodi, a tunga mu mulundu munhá, a di phopho kumoxi, iá a tu kondoloka.

Josuué 9:23

Kiki-phe mua di bhekela mázui: Ubhika ki ua mi bhua dingi muaxaxe kenu, ua kukala a-ẋangi a jihuinhi, ni a-teki a menha ma dibhata dia Nzambi iami.

Josuué 9:27

Kizuua kienhókio, Josuué ua a te mu kukala a-ẋangi a jihunhi, a-teki a menha ma kionge kioso, ni kalatódio ue ka Jihova, katé mu kizuua kia lelu, bhu kididi bhuoso bhua sola.