Jisálamu 121:5 - O Mikanda Ikola

⁵ Jihova muene uene mu ku ku langa jinga; Jihova muene ua di bhanga kilembeketa kié, ua ku imanena ku mbandu ia madilu.

Jisálamu 121:5 Iomraidhean Croise

Jisálamu 109:31

Kuma ua tate-ó, muene u mu imanena ku madilu; mu ku mu bhulula kua ió andala ku mu êlesa, mbé nʼa mu jibha.

Jisálamu 16:8

Jihova izuua ioso nga mu bhaka bhu pholo iami; o mukonda dia muene ku ngʼimanena bhua zukama, ki bhuala u tena ku ngi lundumuna.

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Makatukilu 13:21

Jihova anga u a tuamenena; mu muanha mu philadi ia dituta, phala ku a edikiza o njila; o mu usuku mu philadi ia túbhia, phala ku a muikina a kale mua zele; phala a tene kuenda mu muanha, ni mu usuku.

Izaía 25:4

Mbata ua di bhange u kimbaka phala ngadiama ni ió ua tate mu lamba diê; u Dilengelu kiza o kibhungu; u Kilembeketa bhu thembu ia kizuza; kuma o muha ua isueia mukuâ ni kibhungu, ki ki di zubila ku kimbaka.

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Matesu 23:37

Uaué! Jeluzaleme, Jeluzaleme tata! Ua bhingi jipolofeta u ji jibha, akunji a tuma Nzambi ko-kué, éʼ u a bûba ni matadi! Lukuxi luosʼulu lu ngandalele kubhongolola anʼé kumoxi, kala sanji ki i bhongolola tuana tuê moxi a mabhabha, enu-phe nguenu!