Jisálamu 12:6 - O Mikanda Ikola

⁶ Maka ma Jihova ma kenzuluka; ma soko ni phalata iózunze bhu jiku; a i zunza lusambuadi katé iabhu o dixilu.

Jisálamu 12:6 Iomraidhean Croise

II Samuuele 22:31

Njila ia Nzambi ia iuka, ki iene kulueza; kizuelu kia Jihova kia kidi, ki kiene mangonha; Jihova muene ngubu i xitila oso a lengela kua muene.

Jobe 20:19

Mbata ua tatesa jinga athu, o jingadiama ua jʼehelela, iú ua nhana jinzu ki muene ua ji tungu.

Jobe 28:1

Kidi muene, phalata iala ni ididi iê mua ku i kanda, o ulu ua kuzunza uala ue ni kididi kiê.

Jisálamu 119:140

Maka mé ma zele, sé ngó dixilu; selevende ié kiene kia a zolela kiavulu.

Jisálamu 18:30

Nzambi, o uendelu uê, kutetuluka kuoso; maka ma Jihova ma di kenze, kala ni dixilu; muene ngubu ia kuxitila oso a di tuma-nê.

Jisálamu 19:8

Ijila ia Jihova ia tetuluka, i bheka ngalasa ku muẋima; kitumu kia Jihova kiazele, ki muikina o mesu.

Jisálamu 66:10

Kuma eie, u Nzambi, ua tu bhitisa hanji ku polova; ua tu kenzulula kala kiene kubhanga o phalata mu túbhia.

Jisálamu 76:10

Mbata ni kidi kiene, eie o njinda ia muthu i biluka diximanu dié; o ia subhuka-bhu eie u i sukika.

Jisálamu 9:13

Ngi kuatele henda, Ngana Nzambi; tala, Ngana, kia ngi tatesa ió a ngi zembe; eie kiá ua ngi bhetula, hinu ngeju boloka kuʼalunga.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Makatukilu 6:1

Jihova anga u ambela Mozé, uixi: Eie ua-nda ki mona-ke, kioso ki ngi bhanga Falaó, kuma ku a eha kikale lukuaku lua nguzu lu bhita-bhu, mu kuívua lukuaku lua nguzu kiene kia-nda ku a kaia mʼoxi iê.

Jisabhu 22:23

Kuma Jihova ua-nda ku mu bhângela mvunda iê; oso-phe a mu bhundile kiki, muene ua kà a katula o muenhu.

Jisabhu 30:5

Mbata o maka moso ma Nzambi, ma zela, ma kidi; mene o ngubu ixitila oso a mu dielela muene.

Izaía 14:22

Kuma eme, ngi Jihova dia Ilômbo Ieta, nga kà a balumukina, anga ngʼa mona bhu-aia; o ki ngi tula mu Babilonha, nga kèla, dijina dia Babilonha nga di tukula bhoxi, ni masubhu, ni mona, ni mulaula, buíi, eme Jihova nga kiʼambe.

Izaía 33:10

Kiki-phe kiá ngi balumuka, eme Jihova; kiki ngi balumuka eme-muène, anga a kà ngi jingisa.