Jisálamu 118:7 - O Mikanda Ikola

⁷ Jihova uala bhu mbandu iami, kumoxi ni iá ala ku ngi kuatekesa; nga-nda kumona kia ngi bhanga o jivondadi kua ió a ngi zembe.

Jisálamu 118:7 Iomraidhean Croise

I Malunda 12:18

Bhenhobho Nzumbi anga i bokona mua Amasai, o kilolo uala mutumini a makuinhi a tatu, uixi: Etu tua kutokala eie, Davidi! Etu tualʼetu kumoxi ni eie, u monʼa Jese! O kutululuka, kutululuka kukale nʼeie! O kutululuka kukale ni ió oso ala ku ku kuatekesa! Kuma-ze, o Nzambi iê, u ku kuatekesa muene! Davidi anga u a a tambulula, anga u a bhanga jikabhitangu ja kifuẋi kia masoladi mê.

Jisálamu 112:8

Muẋima uê ua kuata bhu kididi, ka kala ngó ni hele; ua kinga ku mu bhanga jivondadi, kua ió oso a mu hamena.

Jisálamu 54:4

Talesa-phe, Nzambi muene mukuatekexi uami; Ngana uala ni iá oso a ngi bande ku muenhu uami.

Jisálamu 54:6

Eme-phe ngi ku satela sata ku vondadi iami muene; ngi ximana jinga dijina dié, u Jihova, kuma dijina diambote.

Jisálamu 54:7

Kuma eie ua ngi kudila mu phaxi, jami joso; o mesu ami a ki mono, kioso ki ua ngi bhange o jivondadi ku jinguma jami.

Jisálamu 55:18

U ngi kudila o muenhu uami ni kutululuka, ku mvunda ioso ia ngi kane; kuma o nguma jami a vulu muene, a ngʼendela ni ita.

Jisálamu 59:10

Nzambi iami u ngi sanga ni kulenduka kué; u ngi bhanga jivondadi kua ió jinguma jami ala ku ngi séia.

Jisálamu 59:11

Kana ku a jibha, sumba mundu uami a jimba-ku; enda ni ku a kaia ni kifuxi kié, a kale mu bungajana; eie Ngana u kala u ngubu ietu.

Jisálamu 92:11

Mesúʼami à ki mona, ki uâ ngi bhanga o jivondadi ku jinguma jami, matui ami ue à kevua kioso kia bhiti kua enhó a kexe ku ngi balukila.

Izaía 41:13

Mbata eme, ngi Jihova Nzambi ié, ngi ku kuata mu lukuaku lué lua dilu; hé ngi ku ambela, ngixi: Ku kale ni uoma, eme ngi ku banda.