Jisálamu 113:5 - O Mikanda Ikola

⁵ Kadi nanhi, u soka ni Jihova, Nzambi ietu? uala ni kiandu kiê bhu ditala dia di leka.

Jisálamu 113:5 Iomraidhean Croise

Jisálamu 103:19

Jihova, kialu kiê kia ungana ua ki xikika mu diulu, o utuminu uê ua bhiti kuene kuoso.

Jisálamu 11:4

Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Jisálamu 35:10

Ngevu muene katé ni ifuba iami i ki tanga, kuma eie u Jihova ku moneka luiadi! Nanhi u soka-nê mu kubhulula ió uatâte, xi, ni phulungu ni ngadiama, kua ió a mesena o ku a bhûnda?

Jisálamu 89:6

Kuma, nanhi muene, mu dinga ni dinga, u mu fika ni Jihova? o ku anʼa mazonda, nanhi u soka ni Ngana?

Jisálamu 89:7

Nzambi ukôla, mu kionge kiê kia ji-anjo! Munéne! U kuata uôma! Ene oso a mu kondoloka mu mbèle iê, a mu xila kiavulu!

Jisálamu 89:8

U Jihova, Nzambi ia ilômbo, nanhi ukôla kala eie, Ngana, ni ufiiele ué ua ku fikidila mu jimbandu joso?

Jisálamu 89:9

Eie-muène, u Ngana, u tumina o kalunga se musanza uê ua nanuka ni ukumbu; o ki zangumuka mabhuku mê, eie-muène ue u a bateka.

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Izaía 16:5

Mbata kua-nda kukala kiandu kia henda kia difikidila, o ku thandu diê, mu balaka ia Davidi, kuene kua kà xikama muthu ufundisa mu kidi, u sota o mulonga kiambote, anga u sakalala mu ku lungisa.

Izaía 40:18

Enu-phe mukuahi mu mu di-fuanganesa ni Nzambi? Mba mu mu fikisa ni kima kiahi?

Izaía 40:25

Mua-nda ku ngi sokesa-phe ni mukuahi, ngi tena ku di fuangana-nê? Kiene kiambe Nzambi Ukôla.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Jelemiia 10:6

Kana-ku u di fuangana nʼeie, u Jihova: Eie u munéne, o dijina dié ue di kola mu kuvula o nguzu.

Matendelelu 33:26

Kazola kami, kana-ku muthu ua di fu ni Nzambi ié! Ukanduka maúlu mu kuiza ku ku banda; o unéne uê u di-leka-na-u ku matuta moso ma beta kuia bhulu.