Jisálamu 112:9 - O Mikanda Ikola

⁹ Kʼemina, maji u bhana, u uanena o jingadiama; ka kuata sonhi, o mútue uê u bhetuka muene ni kijingo.

Jisálamu 112:9 Iomraidhean Croise

Jisálamu 111:3

O kukumbidila kuê ki kuene kufula.

Jisálamu 112:3

Mʼonzo iê mu kala kubhanduluka, mu kala jimbongo; o kuiuka kuê kuemana kua di fikidila muene katé ku hádia.

Jisálamu 75:10

Jimbinga ja isuéia ngi ji batula muene; maji o jimbinga ja iá aiuka-phe ji kala mu kuimana.

Jisálamu 92:10

Eme-phe u ngi vudisila o nguzu iami kala ia phakasa; kuma eie ua ngʼundu ni maji mengi ma kindala.

Jisálamu 92:11

Mesúʼami à ki mona, ki uâ ngi bhanga o jivondadi ku jinguma jami, matui ami ue à kevua kioso kia bhiti kua enhó a kexe ku ngi balukila.

Jisabhu 14:24

O jimbongo kiene o kijinga kia jinjimu jala ni kuijiia; o lusebu lua iôua-phe, uoua mu uoua ngó.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Jisabhu 21:26

Mukua luimbi, kumbi dioso di mu bhuila ngó ni kuhamena o ima ni luimbi luê, maji u lembua-ku; o muthu ua iuka-phe ku kieha kiê, u bhana muene kiavulu ka jijila kima.

Ndongixi 11:6

Kuna mbutu ié mu kimene, o ku kiemba ue, ʼkuaku lué kí lu nhohe, mukonda eie kuijiia se mbutu iebhi ku ua-nda kuzediuila; hé iii, mba ioio, mba mbutu joso hádia ji iukila bhua moxi.

Ndongixi 3:6

Sai thembu ia kusota, ni thembu ia kujimbidisa; thembu ia kubhaka ni thembu ia kutexi bhu kanga.

Izaía 32:8

Maji muthu a mu edi mujitu, u kana ujitu uene; mukonda dia ujitu uê, uimana kididi, utunga, usoma.

Izaía 58:10

se mukua nzala u mu jikuila muẋima, o muthu ua tate u mu dikila; kua-bhu-phe, mu kitombe muenhomo mua-nda ku ku kiela mukengeji, kuvunda kué ku bhiluka kala kumbi dia mediia.

Izaía 58:7

Abha ku uane ue o mbolo ié ni uoso uala ni nzala? o jingadiama ja bhondalala, ja takuka ku makanga, u ji ongeka mʼonzo? o ki u mona mukua tuẋi anga u mu zuika, phala xitu ié, ku i suekele o pholo?

Matesu 6:4

Mbé jimbote jê ni ji kale jòsueke. Tatʼ enu u mona iòsueke anga u ku sakidila bhu phelo ia ene oso.

Marku 14:7

Mbata jingadiama mua xalela-na-ju; kithangana kioso ki mua mesena ku a bhanga jimbote, mu ki bhanga. Eme-phe ki ngi xalela ni enu ithangana ioso.

Luka 11:41

Kala kiki, ima ioso ia mi kala moxʼa kopho ni dilonga, bhanenu-iu ku jingadiama, nda ima ioso i mi kale iazele.

Luka 12:33

Sumbisenu ioso i muala na-iu, o kitadi ki tunda-mu, mu ki bhane jingadiama. Iudikenu jisaku ji kamba ku kuka, ni jimbongo ku maúlu, ji kamba kúbhua. Mukonda o koko kuene ku kididi kia bhingi ki ku bhiti muíi, ki kuene ue kabamba ka kesa.

Luka 16:9

Eme uami ngi mi ambela: Kuatenu makamba a tunda mu itadi ia mangonha ma mundu iú, phala ki i mi kamba, ene a mi tambulule mu mabhata mâ ma nanga.

Luka 18:22

Kia kʼivu, Jezú u mu ambela, uixi: Kua ku kambe hanji kima kimoxi: Sumbisa ioso i uala na-iu, o kitadi u ki uanene o jingadiama, phala u kale ni jimbongo mu diulu. Nda uize kiua, u ngi kaiele eme.

Nzuá 13:29

Amukuá a fika, mukonda Juda muene ua kuata o hutu ia kitadi, kuma Jezú ua mu ambela kusumba ima ia kambe-ku mu kubhanga o fesa; mba ua mu ambela kubhana kima ku jingadiama.

Jipoxolo 20:35

Mu ima ioso nga mʼ idikiza kioso ki mua fuama kukalakala ni kubhindumuna mukuenu ua tate. Endenu ni kuxinganeka o kizuelu kia Ngana Jezú, ki edile uixi: O kubhana kota mu kuzediuisa, o kutambula ndenge.

Jipoxolo 4:35

hé a i tula bhu inama ia Jipoxolo, o oso a bhindama, anga a a uanena jinga, kala muthu kioso kia tokala o kutata kuê.

Loma 12:13

Muenda ni kubhindumuna o jiphange mua Ngana ni kioso ki muala na-kiu. Mu zalela jinga asonhi.

II Kolindo 8:9

Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.

Matendelelu 15:11

Mukonda mungongo ki mu kambe o jingadiama; kiene kia ngi bhangesa ku ku tendelela kuila: Phangʼié u mu jikuila lukuaku lué ni kieha kioso kia tokala; kiene ue ki u bhanga ni hukunhu ua tate ni ngadiama uene mʼoxi ié.

Matendelelu 15:14

Di-fikixile muene, phala u mu longelese kiasoko, uila o mu kibhanga kié ua mu nomuena-mu, o bhu diʼanekenu dié ua mu nomuena-bhu, o mu ditangi dié ua mu katuila-mu; bhuoso kiá bhua ku muesa kuala Jihova Nzambi ié, muene ue u mu nomuesa-bhu anga u mu bhana.

Matendelelu 24:13

kumbi se dia tula kiá, sé phata muene, mu bhekele o kikunji kia ku bhele, nda a di fute-kiu hanji a zeke bhu thanga iê phala a ku besouale. O kienhiki-phe Jihova Nzambi ié u ku mona u muthu uaiuka.

I Timote 6:18

A tume kuila a bhange jinge o mbote, mbé a kale ni umvuama ua ikalakalu iafuama, ende ni kubhana, ende ni kubindumuna akuá oso kala ni kima.

Jihebeleu 13:16

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

Dijingunuinu 22:11

Uoso ua bukumuka, a jijile o kubhanga kiaiibha; uoso uala kifusa, a jijile o kubhanga ufusa; uoso uaiuka, a jijile o kubhanga ima ia kuiuka; o uoso uazele, a jijile o kukala ni kuzela.

I Samuuele 2:1

Hana bhenhobho anga u samba, uixi: Muẋima uami ua tanena kua Jihova; pholo iami ia zangalala mua Jihova; dikanu diami u sanga dia kulu mu kuolela o jinguma jami; mukonda nga sangulukila mu kubhuluka ku tunda kokuê.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.