Jisálamu 110:3 - O Mikanda Ikola

³ Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Jisálamu 110:3 Iomraidhean Croise

I Malunda 16:29

Bhanenu Nzambi o fuma ni kijingu kia fuama o dijina diê; bhekenu maujitu, mu bhiẋile mu malumbu ma Jihova; mu bhezienu mu ku uabha kua kuzela kuê.

Nehemiia 11:2

Anga kifuxi a kala mu sakidila athu oso a kexi mu ku di bhana mu vondadî iâ ni muẋima uâ uoso, exi tu kala mu Jeluza! leme, muene mu tu tunga.

Jisálamu 29:2

Jihova mu tumbuidienu o fuma ia tokala dijina diê; Jihova mu sambedienu mu izuatu iazele, ia uabha.

Jisálamu 96:9

Bhezenu Jihova mu kukemba kuazele kua uiukilu uê; mu kuatedienu uoma enu oso mua tungu mu ngongo.

Izekiiele 43:12

O kitumu kia inzu-phe, kienhiki: O bhu dizôko-zôko dia mulundu, mu jimbandu jê joso mu dia suku, kiene kia kà kala o kididi kikôla; talaze, kuma, o kiki kiene o kitumu kia inzu.

Mikeia 5:6

Ene anga a kà buidisa oxi ia Asídia ni xibhata, kumoxi ni ixi ia Nimilode katé ni bhu mabokuenu mê. Bheneʼobho anga muene ua kà tu kudila bhu maku ma Asídia, kioso kia kʼèza mu ixi ietu mu ku i lua, ni ku diota mu jimbambe jetu.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 19:20

Uila kiki, o Maka ma Ngana, ma kala dingi mú sambuka ni kusuina, ma lenda ioso.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

Jipoxolo 2:41

Bhenhobho-phe avulu a tambulula o njimbu ia Phetele, anga a a batizala. Ku iá a mu kaiela Jezú, anga ku di banda kua ene kizuua kienhokio, manhi mba midi jitatu ja mienhu ia athu.

Jipoxolo 21:20

Ene kia zubha ku mu ivua, a ximana Nzambi, anga a mu ambela, exi: Ua mono, mukuetu, o Jijudé ja xikana mu ukidistá ja tena jimidi ni jimidi, maji ene oso a suinina o Kitumu kia Mozé.

Jipoxolo 4:4

Ku athu evu o maka-phe, ku kala avulu a xikana. O mundu ua ia a xikana, anga u tena konda ia midi jitanu.

II Kolindo 13:4

Sumbala muène a mu tele ku dikulusu mu kikexilu kia kubhuila, maji iú-uê ku muenhu mu nguzu ia Nzambi. Etu uetu tua bhuila mua muène, maji muandù mona kuma tuala ku muenhu ni Muène mu nguzu ia Nzambi phala ku mi kuatesa enu.

II Kolindo 8:12

Kuma se sai muthu uandala kubhana, Nzambi u xikina o ujitu, kala muthu kioso ki ala na-kiu.

II Kolindo 8:16

Tua sakidila-phe kiavulu Nzambi ua mi tela o muanu uene umoxi ni etu mu muẋima ua Tito phala ku mi kuatekesa.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.

I Tesalonika 4:7

Kuma Nzambi ka tu ixanena kulaia mu ufusa, maji ua tu ixanena kulaia mu kuzela.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

Dijingunuinu 7:9

Kia bhiti imʼíii, ngedi ngi tala, kua moneka mundu uavulu kana muthu u tena ku u tanga! Ua tundu mu ifuẋi ioso, ni mu miji ioso, ni mu madiembu moso, ni mu madimi moso. Emana bhu pholo ia kiandu, ni bhu pholo ia Kambudi, a kembe ni izuatu izela, a kuata isalale ia maie bhu maku.

Afundixi 5:2

Kuma atuameneni a tuamena mua Izalaiele, kuma o mundu a di bheka ni vondadi mu kúlua ita, sakidilenu Jihova.

Afundixi 5:9

Muẋima uami-phe ua lungu ku ilolo ia Izalaiele a tuamena ilolo ia Izalaiele, a di bheka ni vondadi mu kúlua, sakidilenu ni kuximana Jihova.