Jisálamu 11:5 - O Mikanda Ikola

⁵ Jihova u tungula athu, ni iá a mu xila ni iá a bhumu; uoso-phe ua bhumu, uandala ituxi, muene u di zemba-nê.

Jisálamu 11:5 Iomraidhean Croise

Dimatekenu 22:1

Kia zubha kubhita imʼiii, Nzambi u lola Mbalahamu, uixi: Mbalahamu; muene-phe uetaia, uixi: Emʼiú.

Jisálamu 10:3

Kuma kisuéia u ta nzabala ia kimbamba kia mu kala mu luimbi luê; mukua kúdia mangonha u tènda Jihova, u mu tobhesa ni malebhu.

Jisálamu 139:1

U Jihova, eie ua ngi solokota, ua ngʼijiia.

Jisálamu 17:3

Eie ua lola kiá muẋima uami; ua ngi tokuesa mu usuku; ua ngi sale, maji kua ngi mono isenga; nga dixibhʼami, kanu diami ki dia tondala.

Jisálamu 21:8

Luluaku lué eie luia ni kusota jinguma jê joso; o lué lua dilu lu bhixila muene katé kuala ió oso a ku zembe.

Jisálamu 26:2

Ngi tokuese, Johova, u ngʼijiie; ngi tekule muẋima ni ilunji.

Jisálamu 5:6

Athu oso a tanga makutu; Eie hinu ua-nda kua kà a jima o mbutu; muthu uoso uaiibha ni manhinga, mukua kunganala akuâ, Eie u Jihova, ua ku ibhila muene.

Jisálamu 7:9

Mukua phulu, Ngana, mu lembuese o phulu iê; maji mukua kidi-phe mu kuatese bhu kididi, a tunge a some; mukonda eie u Nzambi ia kidi, u mukua kutungula o ilunji ni mixima.

Jelemiia 12:8

Undundu uami ngi u kita hoji iala mu kitumba: o kia ngi zuminʼokio kiene ki nga mu zembela.

Jelemiia 20:12

Eie-phe, Jihova dia Ilombo Ieta, o muthu ua iuka uene ku mu lola, hé u mona o ilunji ni muẋima: tamanu ngi mona o phonzo ié, i ua-nda ku a vutuila, ku thandu diâ; nga ku bhakuila-phe o mulonga uami.

Zakadiia 11:8

Anga ngi jimisa o abidi ene oso kitatu mu mbeji imoxi, kuma o muenhu uami ua bhondalala mukonda dia ene, o ene uâ eme a ngi kumine kiá ku mienhu iâ.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Malakiia 3:3

Muene ua kà xikama mu kuzunza ni kuzelesa o phalata; anga ua kà zelesa o muiji ua Levi, hé ua kà u bhuisa dixilu mukuâ ni kia zunza o ulu mba phalata; mu kienhókio a kà bheka kua Jihova maujitu ma kuiuka ni kidi.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

I Phetele 4:12

Enu akuetu makambʼami a kazola, ki mu di uane o polova ia dikota ia-lù bhita muʼaxaxi kenu, ieza ku mi lola, ki mu ki fike kuma mua-lù bhita ni kisunji.