Muzambu ua Ijitu. Talesa koko, Jihova iu uiza, ua di-longo mu dituta dia ngelephephe, ua-nda ku tula mu Ijitu; mahamba ma Ijitu a kà ma tungutisa bhu pholo iê, anga muẋima ua akua-Ijitu ua kà botomoka mʼoxi diâ.
Nzambi ua tunga jinzu jê ku maúlu, o kioleku kiê ki tula mu ngongo; Muene muenhó u tena kuixana o menha a kalunga, anga u a lunduluila kuthandu dia ngongo ioso; Jihova, diene o dijina diê.
O Ngana ua kokoloka kutema, maji o nguzu iê iavulu; ka xikina o muêdi ku mu lungisa; O Ngana njila iê ia kuendela i bhita mu kibhungu ni kitembu kia kita-phephe; o matuta ene o fufutila ia inama iê.
Jezú u mu ambela uixi: Eiemuène ua ki tange, kiene muene. Ngi mi ambela dingi-phe: Hinu mua kà mona Monʼa Muthu ua xikama ku madilu ma Nzambi ua Tena-ioso, iú tuluka mu kuiza ku matuta ma diulu!
Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!