Jisálamu 103:2 - O Mikanda Ikola

² Tanesa, Jihova, muẋima uami, mbote jê joso ki ji ku jimbe.

Jisálamu 103:2 Iomraidhean Croise

II Malunda 32:25

Maji Ezekiia o mbote ia mu bhange ka i tambuijila kala kia tokala, mukonda o muẋima iê ua di zangeleka; anga ki bhekesa njinda ku thandu diê-muene ni ku thandu dia Juda ni Jeluzaleme.

Jisálamu 105:5

Xinganekenu o madiuanu mê ma bhanga jinga; ni isuma iê, ni kuzuela kuê mu batula o milonga,

Jisálamu 106:21

Nzambi, Mubhuludi uâ, a mu jimbi; Ió ua bhange o ima ia matunda mu Ijito;

Jisálamu 106:7

Jitata jetu ka tongolola kiambote, o madiuanu mé, mʼoxi ia Egito; ka xinganeka dingi o nzungule ia jihenda jé, maji a ku kuata phata, bhu ndundu ia kalunga, xi, bhene bhu Kalunga Kakusuka.

Jisálamu 116:12

Kiki-phe ngi bhakula kima kiahi kua Jihova, mu mbote joso jene ku ngi bhanga?

Izaía 63:1

Mukuahi-ú u tunda ku Idomo, ni izuatu iedi kiki nguí, ua tundu ku Bozola? Ua kembe kiki ni kizuatu, kia kijingo? Ua mu kuenda ni nguzu iê ioso: Eme-muène ngi zuela ni kuiuka, ngi dizonda mu ku bhulula.

Izaía 63:7

Ngi tumbula kulenduka kua Jihova, ngi tanga ue diximanu dia nzungule dia Jihova, dia soko ni ima ioso ia tu bhange Jihova; ni jimbote javulu joso jene kubhanga ku diembu dia Izalaiele, ja a bhange muene mu jihenda jê, kala kia soko o nzungule ja kulenduka kuê.

Matendelelu 32:18

ʼTadi dia Muenhu ua mu jimbiê kiá, ua kuvuala; Nzambi uoso ua kʼumbile iú ua ku bhana o kukala, ki bhinga u mu jimba?

Matendelelu 32:6

Mbé Jihova kiene ki mu mu vutuilʼokio? Muiji ua tobho ua kambe kilunjí? Mbé Jihova ki muene Tatʼenu ua mi kula, ua mi bhanga, iu ua mi bhana o kutunga ni kusoma?

Matendelelu 6:12

kienhokio-phe dimuka u di lange, Jihova kà ku-bhue ku muxima hé u mu jimba, Muthu ua ku katula mʼoxi ia Ijito, mu dibhata dia ubhika.

Afundixi 5:2

Kuma atuameneni a tuamena mua Izalaiele, kuma o mundu a di bheka ni vondadi mu kúlua ita, sakidilenu Jihova.

Afundixi 5:9

Muẋima uami-phe ua lungu ku ilolo ia Izalaiele a tuamena ilolo ia Izalaiele, a di bheka ni vondadi mu kúlua, sakidilenu ni kuximana Jihova.