Jisálamu 102:3 - O Mikanda Ikola

³ Kuma izuua iami iala kúbhua mukuâ ni dixi, o ifuba iami iala mu jila kala luhuinhi lua uama bhu jiku.

Jisálamu 102:3 Iomraidhean Croise

Jobe 30:30

O kikonda ku mukutu uami kiia ni kuxiketela hé ki sonoka, o ifuba iami iia ni kujokota ku kizuza kia kukata.

Jisálamu 119:83

Mbata nga di bhange kala mbinda ia kibha, ia nhiengena bhu dixi; maji ku kaiula ké, ki nga jimbi-ku.

Jisálamu 27:9

Kana ku ngi suekela o pholo ié. Ngi mubhikʼe, kana ku ngi kaia ni njinda; ua ngi kuatekesa jinga mʼokulu, ni kiki kana ku ngʼambudisa, kana ku ngʼehelela, u Nzambi iami ia kibhamuenhu!

Jisálamu 31:10

Kuma o muenhu uami uala kubhuila mu mukondo, o mivu iami i ibhua ngó ni kukema; nguzu ia ngi bhu ni kuteketa, kingumba o malamba; mukonda dia kutondala kuami, ifuba ia ngi sokomoka.

Jisálamu 31:3

Kuma eie u Ditadi diami dia kipena, u Kimbaka kiami; kiene ki nga ku bhingila, mu dijina dié, u ngi tambule konda u ngʼidikize njila.

Jisálamu 37:20

Maji isuéia-phe i buila muene; jinguma ja Jihova a soka ni iẋinji ia túbhia; aia ni kujidila mu dixi, kindala a jimi.

Jisálamu 38:3

Mu jixitu jami ki mua ngi kala dingi kima kia disanze, mukonda dia kuluuala kué ku ua ngi luualela; mu ifuba iami ki muala dingi kutululuka, mukonda dia ituxi iami i nga te.

Kuditenda 1:13

Ua tumikisa túbhia mu ifuba iami, tunde bhuluʼobho, ii iabambuka muene ni kuuama; inama iami ua i zalela uanda, ua ngi vutula ku dima; ua ngi sengulula muene, kumbi dioso dia kambamba nga tolamana.

Kuditenda 3:4

Ua ngi sekalesa o xitu iami ku mukutu, ni kikonda kiami; o ifuba iami ua i bulabula.

Tiiaku 4:14

Sumbala anuenu kioso kʼiza-ku mungu ku mienhu ienu, ki mua kʼijiia! Mukonda o muenhu uenu ua soko kiebi? Muala mu mbundu, i moneka ngó kathangana kofèle, kindala-phe ia jimuka ku mesu!