Jisálamu 101:3 - O Mikanda Ikola

³ Ki ngi kala ni kima kia ufusa ku mesu mami; imbamba i bhanga ió adianguka, nguami na-iu! Né i sota ku ngi naminina, ngi i kukumuna.

Jisálamu 101:3 Iomraidhean Croise

Jobe 31:1

Nga te kikutu ni mesu mami; ngi ma talesa-phe kiebhi ku monʼa kilumba kia muzeletete?

Jisálamu 119:113

Nga di zemba ni akua mixima iiadi; maji o ngonge ié ia ngi uabhela muene.

Jisálamu 119:37

Ngi katule mesu mu kutala ima ia ulalu, u ngi bhane huii mu kenda o njila ié.

Jisálamu 125:5

Maji o ió oso-phe a xi njila, mu kuila njila jengi jabhengalala, Jihova ua kà a kokela kumoxi ni ati a ituxi; o ku thandu dia Izalaiele-phe ku kale paze.

Jisálamu 139:22

Nga a zembe muene, ni kizembu kia tokala; nga a kita jinguma jami.

Jisálamu 14:3

Ene oso a baluka, ene oso muene abolo; ki bhuala u bhanga mbote, né umoxi ngó.

Jisálamu 36:3

Maka ma dikanu diê ufe, ni makutu; o kukala ni kilunji ni kubhanga mbote, ua ku lémbua.

Jisálamu 39:1

Ngedile ngixi: Ngi di langa o kuzuela, phala ki ngi te kituxi ni dimi diami; dikanu diami ngi di kuta jingoji, kioso ki ngʼimana kumoxi ni muthu uabhukumuka.

Jisálamu 40:4

U lúnga o muthu ió u dielela kua Jihova, u fula kukaiela akua izala, ka di te ni iá a dianguka ni makutu.

Jisálamu 41:9

Katé ni kuphatele kuami, kamba dia muẋima, ió muene nga mu dielela jinga kiavulu, mukua kudia ku meza mami, ua ngi te ue o musónde ua ku ngi bhana kibhalu.

Jisálamu 78:41

A tona dingi kulokalala Nzambi, a tobhesa o Dilemba Diangene dia Izalaiele.

Jisálamu 78:57

A vutuka ku dima, a mu kakula kala kia bhange o jitata jâ; a dianguka kala mufula ua kulueza.

Jisálamu 97:10

Enu mua zolo Jihova, ituxi i mi ibhile; muene u bhaka o mienhu ia jifiiele jê; hé u a kudila bhu maku a kisuéia.

Makatukilu 20:17

Kana kukala ni luimbi lua inzo ia mukuenu, kana kukala ni luimbi lua muhatu a mukuenu, né mukalakadi uê ua diiala mba ua muhatu, né ngombe iê mba bulu iê, né kima kioso-kioso kiangene kia mukuenu.

Makatukilu 32:8

Kindalʼiki a bhambuka kiá mu njila i nga a tumina kuenda; a di iudikila kiteka kia ndumbe ia ngombe, kia utadi ua kuzunza, a ki bheza, a ki satela, exi: Jene-ze o jinzambi, enu mu Izalaiele, ja mi katula mʼoxi ia Ijituʼiji.

Jisabhu 6:12

O muthu uala ni Kadiaphemba, uezala ni ituxi, uenda ni usemenhi mu kanu diê.

Jisabhu 6:13

U bhalula ni mesu, uzuela ni inama, u bhanga ijimbuete ni milembu.

Jisabhu 6:25

Uuabhelu ua pholo iê ki u ku sendule mu muẋima ué; muene kia kuata ku ku talesa, mesu mê kana ku a ehela ku ku diangula.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Ndongixi 6:9

Kota o kutala ngó mesu, kuindi o kuenda ni muẋima ua di zangeleka ni luímbi, kuma kienʼiki ue ukumbu ngó ni kukaiela kitembu.

Izaía 30:11

Njila xenu-iu bhu mbandu, abhukenu mu kikoka: bhangesenu-kiu muene kuila o Dilemba dia Izalaiele ka kale dingi bhu mesuʼetu.

Izaía 33:15

Kikale uoso uenda ni kuiuka, ni ió u zuela ima iafuama o kidi; uoso u texi dikanga o nganhu ijila mu ku bhûnda, uoso ka xikina kitadi kioso-kioso kia diminhinu bhu maku mê; uoso u xita o mátui mê phala kʼevue maka ma kubhubhisa manhinga, anga u jika o mesu mê phala ka mone ima ia-ibha,

Jelemiia 22:17

Maji o mesu mé-eie-phe ni muẋima ué, ua lungu ngó ku unjenje ué, ni ku manhinga ma muthu ua bene, phala ku ma bhubhisa, ni mu kubhondeleka, ni mu ku suina phala ku di bhanga.

Mikeia 2:2

Mikáu iangene ia a kuata luimbi, a i bhûnda muene ku jingana jê, ni jinzu anga a ji tambula muene phala ene; anga ela o diiala a mu bhanga kusuína ku inzu ié ia muambeʼa kidi, o muthu a mu bhanga usuéia ku undundu uê.

Zakadiia 8:17

Ki bhu kale muthu mudienu u xinganeka mu muẋima uê kima kia phulu kua mukuâ, mba bhu kala muthu u uabhela kuloka mu makutu; kuma ima ioso iii ia ngi ibhila, Jihova ua ki tange.

Matesu 5:28

Eme-phe ngi mi ambela kuma: Uoso ngó u tonginina muhatu ni ku mu kuatela luimbi, uatenê kiá phànda ku muẋima uê.

Loma 12:9

O henda ki i kale ia kádia. Iaiibha mu i lenga, iauabha mu i naminina.

Ngalásia 4:9

Maji o kikiphe, ki mueza mú kuijiia Nzambi,— mba inda ngedi Nzambi ku mʼ ijiia enu,—phala-hi mu alukila dingi ku jinguzu ja jinzumbiʼ ojo ja kubhuila, ja uadiama, ji mua mesena mu kutuka dingi mu ubhika uê?

Matendelelu 13:17

Enu-phe lukuaku luenu kana dingi kukuata kima kia ufusa ku imbamba ia tokala mu sanzalʼoio mbé ki mu nomone-mu kama, phala njinda ia Jihova isosoloke, nda a ku lendukile nʼa tene ku ku kuatela henda, phala a ku sokolole kala kia lokela o jitata jenu,

Matendelelu 15:9

Aluka-phe, kuehele Kadiaphemba ku ku fuetela mu muxima ué, kuamba: O muvu ua kasambuadi, ua ufuôlo, iú zukama; anga diesu dié di kitukila phangʼié uala ngadiama, uixi ki ngi mu bhana kima, kuma kiendelela; o muene-phe na di tende kua Jihova, eie-phe momué mua-nda kukala kituxi.

Jihebeleu 10:39

Etu-phe ki tu tokala ku akua usudi, a vutuka ku dima, hé a texika. Maji tuala ni kuxikana kua kidi, ku tu bhekela o kubhuluka.

Josuué 23:6

Mua bhingi-phe mu di suinisa kinène muene, mbé o kulunda ni kubhanga ima ioso iòsoneke mu divulu didi dia ngonge ia Mozé; kana ku i abhuka, mu kuila ku kadilu, mba ku kakiasu;

II Phetele 2:21

Mukonda kieju beta kuuabha, se a kambele kuijiia o njila ia kuiuka, kana kiki kiaʼijiia, maji kijila kiangene kikôla kia a bhana a ki xie, a vutukila ku dima.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

I Samuuele 15:11

Nga dielesa kiá o kuta Saúlu ku ungana, kuma muene ua ngi bhana dikunda, ua di tunu ku ngi kaiela eme, iú ua fulu ku kumbidila ioso i nga mu tumu. Samuuele anga ki mu iibhila kiavulu; hé u dikola kua Jihova usuku uoso uenhó.