Jisálamu 101:2 - O Mikanda Ikola

² Ngi sota kuenda jinga ni kilunji mu njila iaiuka; nga ku indi kiavulu, u ngi sanga kumbi kuẋi bhu ngala? Ngenda jinga monzo iami ni muẋima ua ujitu.

Jisálamu 101:2 Iomraidhean Croise

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

II Samuuele 8:15

Davidi anga u kala mu tumina Izalaiele ioso; Davidi u batula milonga, u kumbidisa o kidi muʼaxaxi ka mundu uê uoso.

I Jisobha 11:4

Mukonda ki bhita kuma, Solomá kia kukuka kiá akajʼê a mu diangula o muẋima uê, hé u kuata kiá kukaiela jinzambi jengi; anga kua Ngana dia Nzambi iê muẋima uê u dituna kiá kutenena, kala kia tenenene o muẋima ua tatʼâ Davidi.

I Jisobha 9:4

Eie muene-phe se uenda jinga bhu pholo iami ni kivimba kia muẋima ni uthu ua tenena, kala kiendele tatʼenu Davidi, anga u bhanga jinga ima ioso i nga ku tumu, anga u bhaka itumu iami ni jiphangu jami,

II Malunda 15:17

Maji o matala-phe mua Izalaiele ka a katulamu; sumbala kiene, maji o muẋima ua Aza ua iukile jinge izuua ioso ia muenhu uê.

II Malunda 30:12

Lukuaku lua Ngana Nzambi phe lua kexile mua Juda, lu lua a bhana muẋima umoxi ngó, mu ku bhanga ioso ia tumu sobha ni makota mê, kala kioso kia tange o kizuelu kia Jihova.

Jisálamu 101:6

Mesu ami a kala jinga mu sota o jifiiele mu ngongo, ene u ngi kala-nâ; uoso uenda ni muẋima ua ujitu ió muene u ngi sedivila jinga.

Jisálamu 119:106

Nga loka muene, nga-nda ku ki jijila, kuila o ijila ié ia kidi nga-nda ku i aiuka jinga muene.

Jisálamu 119:115

Ngi tundidienu bhu mbandu, enu mua solo kubhanga kiaiibha, mukonda ngʼandala kubhaka o ijila ia Nzambi iami.

Jisálamu 26:11

Eme-phe nga mesena ki ngi kala ni ikuma; ngi kudile bhuoso bhu nga tatela, u ngi kuatele henda.

Jisálamu 40:17

Eme-phe, bhu ngalʼabha, ngi ngadiama, nga tâte; maji o Ngana-phe ua ngi bhake muẋima ni ku ngi sasa; eie ngó u mukuatekexi uami, u mubhuludi uami; kana kukokoloka Nzambi iami, tata, endelà-ku Ngana!

Makatukilu 20:24

U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Izaía 38:3

anga uila, uixi: Uà, Jihova, tata! lembalala, nga ku diondo, kuma eme ngʼende muene bhu pholo ié mu kidi, ni muẋima uatenena; nga bhange muene ioso ia fuama ku mesu mé. Ezekiia anga u ẋikujuka kiavulu ni kudila.

Matendelelu 6:7

Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.

I Samuuele 22:14

Ahimeleke anga u vutuila muenexi, uixi: Ku makuenze mé moso-phe nanhi ua ku kala fiiele, u soka ni Davidi, muene holomiʼê eie u muenexi, ua tumaka kiambote mu kionge kia jitata, muthu ua ujitu ku mbanza?