Jisálamu 10:2 - O Mikanda Ikola

² Isuéia, mukonda dia izala, ala kukaia ngadiama ni ku mu seia; tamano a fue ene mu míkala ia tela akuʼâ.

Jisálamu 10:2 Iomraidhean Croise

Jisálamu 109:16

Mukonda o muene ue ka xikina kukuatela henda; ni ngadiama ni phulungu ua mu zukutisa jinga muene, mukua kikote kia muẋima u mu bhondeleka muene, phala ku mu jibha.

Jisálamu 119:122

Eie-muène, Ngana, u kala u dílemba dia selevende ié dia ku mu bhanga mbote; kuehele akua izala ku ngi bhondeleka.

Jisálamu 119:5

Tamano ngi di fikidila mu uendelu uami, anga ngi tena muene kukuata o ijila ié ioso.

Jisálamu 119:69

Akua izala a ngʼona kiavulu milonga; maji eme-phe ni muẋima uami uoso, ngʼaluka o ijila ié.

Jisálamu 119:85

A kua izala a ngi kandeia madiela, athu ka xikina kubhanga kala kiala mu ngonge ié.

Jisálamu 140:5

Akua izala ió a ngi tela mabhebhe ni múkala; a ngi fika kúfua mu uanda ua mikolo ua ngi tela; a ngʼolekela mibhetu ku mbanduʼa njila.

Jisálamu 31:18

A bhane ububu, oso ala ni mizumbu i tanga makutu; akua kuhina-hina mu longolola o muthu ua iuka, anga a mu bhanga kasekelu, aia ni ku mu kenha.

Jisálamu 36:11

Kuehele kinama kia akua izala ku ngi diata; mba lukuaku lua isuéia ku ngi landameka.

Jisálamu 59:12

Mukonda dia kituxi kia dikanu diâ, ni maka ma mizumbu iâ, afue-phe mu uanda ua kubhuma kuâ; mukonda dia jindaka jâ ni makutu ene mu zuela.

Jisálamu 7:16

Ufe uê ua mu vutukila mu mútue uê muene, o kusuína kuê kua mu vundu muene ku dikoxi diê.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Makatukilu 9:17

Ki ualʼokio kifua eie hanji ua thathamena o mundu uami, nguaʼié ku a eha ni aiʼâ?

Jisabhu 5:22

O muthu ua bhumu-ze, ikuma iê iene ia-nda ku mu kuika; a mu kuta muene ni mikolo ia ituxi iê-muène.

Izaía 14:13

Eie uambele mu muẋima ué, uixi: Nga-nda kubanda katé mu diulu, kiandu kiami ngi ki tudika kulu dia jithéthembua ja Nzambi, nga kà xikama muene ku mulundu ua kionge, ngi kexila ku mbandu ia suku.

Izaía 14:16

Oso a kà ku mona, a ku ila muene suí, a ku tongolola anga a ku ambela, exi: Muenhú na iala ua kexe kuteketesa oxi, ni ku titidisa jimbanza, kuambe?

Jelemiia 43:2

Bheneʼobho phe Azadiia, monʼa Hozaia, ni Nzuanana, monʼa Kadiiá ni athu oso akua izala, a zuela, a tangela Jelemiia, exi: Eie ua mu tanga makutu; Jihova, Nzambi ietu ka ku tumu kutanga, kuila: Ka bokona mʼoxi ia Ijitu, phala kunhunganena momo.