Jisálamu 10:16 - O Mikanda Ikola

¹⁶ Jihova eie u muenexi, o ungana ué unangenena; matumbu a kambe kuijiia Nzambi ka kà kala mʼoxi ié.

Jisálamu 10:16 Iomraidhean Croise

I Malunda 29:11

Unéne ué eie u Jihova, ni kutena, ni kijingu, ni kutolola ni ungana. Mukonda ima ioso ié-eie u Jihova, eie u Suke-ku uala ku thandu dia ima ioso.

Jisálamu 145:13

Utuminu ué, utuminu uanangenena, o ukota ué u xalela ni ku miji ioso.

Jisálamu 146:10

Jihova kà tunda dingi ku ungana uê; o Nzambi ié, u Ziione, u xalela ku miji ioso. Ximanenu Jihova!

Jisálamu 29:10

Jihova ua xikama bhu kiandu kiê kia bhita o dilúvio; ni kiki hanji ueniê ku ungana, o mivu iê ki ià bhua.

Jisálamu 78:55

Akuaʼxi momo ua a kaie bhu pholo iâ, oxi iâ ua a bhana-iu ene mu ibatu-ibatu, o mabhata mâ, Izalaiele muene ua bhingana mu kutunga-mu.

Jisálamu 9:15

Matumbu a dibhale mu diela dia kande ene; inama iâ iafu mu uanda ua telele akuʼâ.

Jisálamu 9:5

Matumbu eie ua a bazela, akua phulu ua a buikisa; dijina diâ ua di jimuna kulu dia mundu katé ku hádia ni hádia.

Jisálamu 9:8

Muene u fúndisa o mundu ni kubatula mu kidi; o akua mabhata u a tetuluila kioso kia tokala mu uiukilu uê.

Jisálamu 93:1

Jihova ua hingi ungana uê! Ua zuata kijîngo! Jihova ua zuata, ua di kutu uzonda: ixi ua i kuatesa bhu kididi kiê, ka tena ku i sendumuna.

Makatukilu 15:18

Jihova ua hingila-ku; o ungana ué u nangenena.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Kuditenda 5:19

Eie-phe, u Jihova, hanji ki ua di fikidila, mukonda eie unagenena muene katé ku hádia ni hádia; o kiându kié kia kuata muene, ku tunda miji kuiza miji.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Matendelelu 8:20

Mua-nda kujima mbutu, kala Jihova Nzambi ienu kia buikisa o ifuẋi ia akua mundu bhu mesuʼenu; kiene ue muene kia-nda ku mi buikisa, se mu xibhaka o dízui dia Jihova Nzambi ienu.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.