Jisálamu 10:1 - O Mikanda Ikola

¹ Ua sukila-hi ngó mu kanga, eie Ngana, u Jihova? Ua di vunginaʼhi katé ni mesu, mu thembu ia jingongo kiki?

Jisálamu 10:1 Iomraidhean Croise

Jobe 13:24

Ngana, phalaʼhi u sueka o pholo ié, anga u ngi kita ngi nguma ié?

Jobe 23:9

Se u kalakalela ku kiasu, eme ki ngi mu mono; o kia di sueka ku dilu, ngi tokoka ku mu mona.

Jobe 34:29

Muene se nʼa bhana kutululuka, nanhi ua-nda ku mu elesa? Se o pholo iê u i sueka, nanhi u tena ku mu tala? Muene ulangidila o miji ni diembu katé ni muthu umoxi ngó.

Jisálamu 22:1

Nzambi iami, Nzambi iami, ua ngʼehelelela-hi-á? Ua sukila-hi ngó mu kanga, ni kufula ku ngi kudila, ngala kudikola kiki?

Jisálamu 27:9

Kana ku ngi suekela o pholo ié. Ngi mubhikʼe, kana ku ngi kaia ni njinda; ua ngi kuatekesa jinga mʼokulu, ni kiki kana ku ngʼambudisa, kana ku ngʼehelela, u Nzambi iami ia kibhamuenhu!

Jisálamu 30:7

Mukonda eie, Jihova, ua ngi bhake kididi, ua ngi fikidila kala mulundu; maji o ki uedi-phe, u sueka o pholo ié, kutata kueza, nga bhondalala!

Jisálamu 44:24

Phala-hi pholo ié u i sueka, ki tu ku mono dingi, anga o usébhue uetu ni ubhika uetu hé u ku jimba?

Jisálamu 44:25

Kuma o muẋima uetu ua toloka katé mu fufuta bhoxi; o mukutu uetu ua fufujuka muene mu mavu.

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Jisálamu 88:14

Jihova, tata, o muenhu uami u u texila-hi kiki? phala-hi u ngi suekela o pholo ié?

Jelemiia 14:8

Eie u Kidielelu kia Izalaiele, eie u Mukudidi uê mu kithangana kia jiphaxi! u di bhangela-hi kala u nzuangiza moxiʼumu? mba u ngenji-a-thumba u bhambukila kuzekela usuku?

Jelemiia 14:9

Kima kiahi ki uidila kala muthu a mu tukumuisa, kala dizonda dia lembua ku kudila? Hanji-phe eie Jihova, o muʼaxaxi kʼetu muene mu uala, etu phe a tu ixanena mu dijina dié: kana ku tu ehelela.