Jisálamu 1:6 - O Mikanda Ikola

⁶ kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 1:6 Iomraidhean Croise

Jobe 23:10

Maji muene-phe o njila iami ua ijiia; se muene ua ngi lolele, ngeje kutunda utadi ua ulu mukuá.

Jisálamu 112:10

O kisuéia-phe u ki mona mesu, hé ki mu iibhila; hinu u kokota mazu, u botomokena bhobho; kuma o vondadi-phe ia kisuéia hádia a i kakula.

Jisálamu 142:3

Kioso o muẋima uami moxi ki ua ngi kala ni kubhondalala, eie-phe uejiia kiá njila ioso i nga tokala kuila, kuma mu njila i nga kuata, a ngi tela-mu mubhetu.

Jisálamu 142:4

Nga talesa bhu mbandu iami ia madilu, kana-bhu dilemba; ku ngi lengela ki ku moneka; kana muthu kia mu kuatela kima, né muenhu uami ua di boto.

Jisálamu 146:9

Jihova u langa jinzuángiza; u tambula konda ia jihukunhi ni atudi; maji o njila-phe ia ísueia u i bhengeleka.

Jisálamu 9:6

Jinguma jami ja buila, eie ua a katula kijingo; o jimbanza jâ eie ua ji sengulula, bhu ja kexile bhua di bhange jingundu, ni muthu u a xinganeka dingi ka moneka.

Jisabhu 14:12

Sai njila, muthu u i mona kuiuka; maji o ku dizubhilu diê-phe, ikoka ia kalunga.

Jisabhu 15:9

Njila ia muthu uabhumu, kua Jihova kisunji; maji muene-phe ua diuabhela ni uoso u kaiela o kuiuka.

Nahumu 1:7

Ngana uaiuka, muene dilengelu dietu mu thembu ia phaxi; Jihova uejiia oso a mu dielela muene.

Matesu 7:13

Bokuenenu bhu dibhitu dia tolo, mbata o dibhitu dia kulu ni njila iazanze iia ku ʼalunga; o athu a di bokona avulu.

Nzuá 10:14

Eme ngi mubidi uambote. Mukuâ ni Tata kia ngʼijiia, eme-eme ue ngʼejiia Tata, kiene ue ngʼejiia jimbudi jami; o jene ue ja ngʼijiia.

Nzuá 10:27

O jimbudi jami, jʼívua dízui diami. Eme ngi jʼijiia, o jene ue ji ngi kaiela.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

II Phetele 2:12

Athu enhá-phe kala iama ki i moneka kilunji, edi kala ibhaku ia ngó ia kukuata ni ku i jibha, enda ni kuxinga o ima ia tokoka ku i ijiia. A kà di bota mu kubola kuâ, a kà tambula o hadi, kuma kifutilu kia kubhanga kiaiibha.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.