Jisálamu 1:3 - O Mikanda Ikola

³ Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

Jisálamu 1:3 Iomraidhean Croise

Dimatekenu 39:23

Kasalelu kala kusuua dingi ima ia bhakuila bhu makuʼa Zuze, mukonda Jihova uala-nê; o ima ioso ia bhanga, Jihova u i zediuisa, ienda kiambote.

Dimatekenu 39:3

O ngana iê anga u mu mona kuma Jihova uala-nê, mukonda Jihova ua bhangesa kuila ioso i bhanga Zuze ienda kiambote.

II Jisobha 18:7

Kienʼiki ue o Jihova iú ua kexile jinge ni muene; o kuoso-kuoso kuʼaia, o uendelu uê ua ku di-langa kinéne; muene anga u bilukila sobha ia Asídia, u di-tuna ku mu bhikila.

I Malunda 22:11

Kala kiki-phe, monʼami, Jihova akale ni eie; u laie, ukale ni kuzediua, nda u tunge o inzo ia Jihova, Nzambi ié, kala muene kia ku tange-kiu.

I Malunda 22:13

Ua kà kala ni kuzediua, se eie ukala ni muanu ua kubhaka o itumu ni mabatuilu a tumu Ngana Nzambi kua Mozé, bhu kaẋi ni Izalaiele. Suina-phe, ubhue uoma, u kuate muanu uambote; ku kale ni uoma, mba u bhuila muẋima.

II Malunda 31:21

O mu ima ioso i andeka kubhanga, ku kikalakalu kia inzu ia Nzambi, ni mu kitumu, ni ku ijila, phala kusota Nzambi iê, ua ki bhange muene ni muẋima ua muvuimba, anga u kala ni kuzediua.

II Malunda 32:23

A vulu anga aia ni kubheka maujitu mu Jeluzaleme kua Jihova ni ima ia te kiavulu kua Ezekiia sobha ia Juda, katé kua suku kunu a mu zangeleka kiavulu ku mesu ma akua jixi joso.

Jobe 14:9

ku dizumba ngó dia menha, uandeka kiá kusabhuluka, anga u bhana jithangu kala kixina kia ubhe.

Jobe 22:28

Ki uinda kubhanga kima, kia kà ku tunda mbote; o mukengeji ua kà ku muikina mu jinjila jé.

Jisálamu 128:2

Ku muanu ua ikalakalu ia maku mê u dia-ku, u zediua, u lunga, u bhanduluka, kuma ima iê ioso ienda kiambote.

Jisálamu 129:8

Abhite-a-njila ka tena, kuila: Tana-ku! Mba amba, exi: O kizediuise kia Jihova ki kale ku thandu dié. Etu tua mi te o kizediuise mu dijina dia Jihova!

Jisálamu 92:14

Katé ni mu ukukilu, hanji ema ibundu; a kà buingita muene kiavulu, a zanda.

Jisálamu 92:15

Mbebhu o kuidikisa kuma Jihova ua tetuluka; muene ditadi diami dia kipena, mua muene ki muene uthu uengi.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 3:10

Athu a iuka a tangedienu, kuma alunguʼâ; mbata ku ibundu ia ikalakalu iâ, a-nda kua kà dia-ku.

Izaía 44:4

Anga a fuafuela mu isasa kala misalakelu ku mbanduʼa jihonga ja menha.

Izaía 58:11

O Jihova u ku endesa izuua ioso, anga u dikila o muenhu ué mu ididi ia kukuta, hé u ku bhana o nguzu mu ifuba; eie-muene u kala mukuâ ni díbhia diotekele, kala fiẋi ia kunuina, menhʼé kene mu kamba.

Jelemiia 17:8

Kuma muene ua kà kala mukuâ ni muixi uó-phaphe ku mbanduʼa ngiji, u tanda jindanji jê katé ku menha, kiza muzukuta ka kala ni hele ia munza, maji o dífue diê di buingita, o bhu muvu ua kiangala, ki u tate, mba u kamba kuima kibundu.

Izekiiele 17:8

Muvide iú a u kunine mu mavuʼa mbote, bhu mbanduʼa nzungule ia menha, phala uende ni kubhana jithangu, ni kuima ibundu, phala u kale muene muvide uambote.

Izekiiele 19:10

Mamʼenu, mu ku di xibha kuê, uedile kala muẋi ua muvide, uòphaphe ku mbanduʼa ngiji; uene uima ibundu hé uizala jithangu mukonda dia imenha ia vulu.

Izekiiele 31:5

Kiene-phe kia mu bhangesa kuila o kitala kiê kia beta kota mu kelebha, o miẋi ioso ia ditutu iala ndenge, o jithangu jê ji ja di sokolola, o miẋi iê ii ia lebhelela, mukonda dia nzungule ia menha ia kexile mu ku mu tumikisa.

Izekiiele 47:12

O ku mbanduʼa honga, ku kibumu kiê, ku sámbua ni sámbua, ku sabhuka ídifua ioso ia miẋi i bhana o ibundu ia kúdia; o dífue diê ki di lela, o kibundu kiê ki kiene dingi mu ku kamba; o bhu jimbeji ja tokala, i lukula jinga ibundu ia ubhe, mukonda o menha mê a mu tunda muene bhu dibhezelu; o ibundu iê ia kà uabhela ku i dia, o mafe mê milôngo.

Dialuilu 24:6

Ma di zale kala jihonga jauisu, kala mabhia mazukamena ku ngiji, kala miẋi ia mixitu ia phaphe Jihova, kala miẋi ia misédulu bhu mbandu ia menha.

Matesu 13:6

Kiatu o muanha-phe, ja lela, o mukonda dia kukamba jindànji, ki ja nange kukukuta.

Matesu 21:19

Kia mono mufiku bhu mbanduʼa njila, u bhiẋila-bhu. U sanga-phe kana-ku kima, máfue ngó mala-ku. Muène anga u uambela, uixi: Ko kué ki kuà kale dingi kibundu! Muẋi anga u lela kindala.

Matesu 21:34

Kuila thembu ia idima ia zukama kiá, u tuma jiselevende jê ku idimakaji kutambula idima iê.

Matesu 21:41

Kuala ene: Ísueia ienhoio ua-nda ku i fuisa kalunga ka hadi, o mulenga nʼa u lukalesa idimakaji iengi, i mu bhakuila idima bhu jithembu jê.

Nzuá 15:6

Se muthu u kamba kuxala mo muami, a mu texi kala thangu, hé u kukuta. Anga u di fangana thangu ja kukuta, a ji bhongolola, a ji ta mu túbhia, hé ji bhia.

Matendelelu 28:8

Jihova ua-nda kutuma kusuku-muina o dibesá diê ku itula ié-eie, ni ku ikalakalu ioso i u bhanga ni maku mé; anga muene u ku bhana kuzediua mʼoxi ioso ia-nda ku ku bhana Jihova Nzambi ié.

Juda 1:12

Enʼ iâ a di bhanga dilebhu phala enu, ki mu kala kudia-nâ mu fesa jenu ja ukamba, ni kukodiua kuâ ku kuatesa jisonhi. A kala mu ku di dikila, ni kudisuua ngó ene. Edi kala matuta ma kambe menha, ma phephuluka ni kitembu, ki ma bhana mvula ia kima. A di bhange mixi ia tokoka o kuima, né bhu mvula ia kudinji, ki i moneka kibundu. A di fuangana mixi iòvuze ni jindanji, ia fuila-ku kiá muene.

Dijingunuinu 22:2

ia-lu kunguluka mu kaxi ka nzunga ia mbanza. Ku sàmbua ni sàmbua dia ngiji, kukala mixi ia muenhu, iene mu kuima kuinhi dia kualidade ni kiiadi ia ibundu ku muvu, i bhana ibundu iê mbeji joso. O mafe mê ma uabhela o kusaka akuajixi.