Jisálamu 1:2 - O Mikanda Ikola

² Muene-phe o ngalasa iê u i sanga mu ngonge ia Jihova; o ngonge iê iene ia banza mu muanha ni mu usuku.

Jisálamu 1:2 Iomraidhean Croise

Dimatekenu 24:63

Izake anga uia mu mukáu mu kuxinganeka mu kumbi dia ngoloxi; anga u bhetula mesu u mona mu njila muala kuijiia jikamelu.

Ejidala 7:10

Kuma Ejidala ua di iudikile muẋima uê, phala ku kuata kitumu kia Jihova ni ku kiʼaluka, mbé o ku longa jinga jingonge ni mabatuilu ma Nzambi iê, mua Izalaiele.

Jobe 23:12

Ku kijila kia mizumbu iê, tundeʼami ukulu kiluua ngi tunda-ku; o maka ma dikanu diê, ma beta ku ngi uabhela o kúdia kuami ndenge.

Jisálamu 104:34

O kubanza kuami kua muẋima kua muene, ku kale kua kusanguluka; ngi sangulukila jinga kua Jihova.

Jisálamu 112:1

Haleluia! Ua lungu o muthu ió uene ni uoma ua Jihova, ua bhindamena kuijiia kiambote o ijila iê,

Jisálamu 119:1

Azediua ió oso a iukila kiambote mu njila, mu kuenda a kaiela o ngonge ia Jihova.

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Jisálamu 119:35

Ngʼendese, Ngana, mu hoka ia itumu ié; kuma muene mua ngi kala o kusanguluka kuami.

Jisálamu 119:72

Ngonge i tunda mu kanu dié nga i mono kota mu kuta, o jisaku ja itadi ia ulu ni phalata, ndenge.

Jisálamu 119:92

Se nga kambele vondadi ia kukala mu ngonge ié, hinu nga buila kiá ukulu, mu kaẋi ka jiphaxi jene ku ngʼiza.

Jisálamu 40:8

Nga sanguluka mu kubhanga ki ua mesena eie u Nzambi iami; xi, mbata, o ngonge ié ia ngi kala moxi dia muẋima.

Jisálamu 88:1

U Jihova, Nzambi ia ubhulukilu uami, ngi dikola ko kué muanha ni usuku.

Jelemiia 15:16

Maka mé kioso ki nga ma sange, nga ma di lusolo, kuma maka mé ma ngi kala kutana ni kusanguluka mu muẋima uami; kuma a ngi luku dijina dié, eie u Jihova, Nzambi ia Ilombo Ieta.

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Luka 2:37

Hanji-phe kia xala mutudi, ua kuata kiá makuinhi-nake a muvu ni iuana. Muène, mu Tembulu kene kutunda-mu dingi, u kala-phe mu kalakela Nzambi ni mu usuku ni mu muanha, ni kujejuuala ni kusamba.

Loma 7:22

Ngejiia kuma moxi diami nga sangulukila o Kitumu kia Nzambi.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

I Timote 4:15

Kolokota ni kubhanga ima ienhiʼii, suua ngó iene mu iene, athu oso a ku mone ki uia kiambote ku pholo.

II Timote 1:3

Nga sakidila Nzambi, nga mu sedivila ni kitongoluelu kiazele, kala kia bhanga jinga a a kukuetu. O mu kusamba kuami, ni mu usuku ni mu muanha, ngene mu kusakidila jinga Nzambi izuua ioso, kioso ki ngi kala mu ku ku lembalala.

Josuué 1:8

Divulu didi, dia ngonge, ki di bhue mu kanu; kota u kala mu ku di banza jinga mu muanha ni mu usuku, mbebhu uijiie kubhanga ima ioso ni muanu kala kia i soneka muenhomo; kuma hé kiene ki u bhanga, uendelu ué u kala ua kubhanduluka, o kuenda kué ku kala kua madimu.

I Nzuá 5:3

Kuma o henda ia kuzola Nzambi ienhiʼii, o kualuka o ijila iê. O ijila iê-phe ki ia bhonzo ku i aiuka,