Filipe 3:3 - O Mikanda Ikola

³ Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Filipe 3:3 Iomraidhean Croise

Jisálamu 105:3

Di fiiadienu o dijina diê dikola; muẋima uâ u tane, oso bhindamena kuijiia Jihova.

Izaía 45:25

Mbutu-phe ia Izalaiele ia kà lungila mua Jihova, ia kà bhandulukila kua muene.

Jelemiia 4:4

Di saiesienu phala Jihova, humbulenu o mabôlo ku miẋima ienu, enu mu mala ma Juda, nʼenu mua tunga mu Jeluzaleme, mua lengesa kuila o njinda iami hinu ki i bambuke kala tubhia, ni tu kuata kulema anga a lembua ku tu jima, mukonda dia usuéia ua ikalakalu ienu.

Jelemiia 9:26

Kua Ijitu ni Juda ni Idomo ni ana a Amone ni Mouabhe ni ianá a-kua ku batula thungi ia ndemba jâ, a tunga mu kikangalakata; mbata ifuẋi iosololo, eneʼâ ngó sé ku a saia, o dibhata dioso ue dia Izalaiele ka di saie o muẋima.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Loma 1:9

Mbata, o Nzambi ngene ku mu bheza ni muẋima uami uoso, mu kutula o Njimbu Iambote ia tokala Monʼ ê, uala mbangi iami kuila nga zuela kidi. Ngana Nzambi ua kʼijiia kuila izuua ioso ngene ku mi lembalala,

Loma 15:17

Ngala-phe ni kutana kuami mua Kristu Jezú, mukonda dia kikalakalu kia Ngana Nzambi.

Loma 7:6

O kikiphe tua jituka ku Kitumu, kuma tuala tu afi ku ioio ioso ia tu kuatele. Uila kiki, tua jituka phala ni tu kale mù bhikila Nzambi mu muenhu uobhe ua Nzumbi ia Nzambi, kana dingi ku ukulu ua mixinda ia Kitumu.

Loma 8:15

Mbata enu ki mu tambula Nzumbi ia ubhika, kuila mu kala dingi ni uôma. Maji mua tambula Nzumbi ia uana i mi bhangesa kukala mu anʼ a Nzambi, o mu nguzu ia tu bhana o Nzumbi, ki tu bhana kudikola kua Nzambi: Abha, Tata!

Loma 8:39

né o mundu uala ku thandu dietu, né ima iala bhoxi-elele. Né kima dingi kioso-kioso kia di bhange, kana-ku kima ki tena ku tu batukisa ku henda ia Nzambi, iene mua Kristu Jezú.

Loma 9:6

Ki tu fike-phe kuila o kizuelu kia Nzambi kia lémbua. Kuma a tokala Izalaiele, ene oso ki akua Izalaiele osole kua Nzambi.

II Kolindo 11:18

Kuma sai avulu a di fiiala mu ima ia xitu, eme uami ngi di fiiala.

Ngalásia 5:25

Muenhu uetu se ua tundu kua Nzumbi, tu endienu-phe kiá ni Nzumbi.

Ngalásia 6:16

Oso kijila kiki, kiene o kijila kiâ kiala kuenda na-kiu, ku kale paze, ni henda ku thandu diâ, ni ku thandu dia mundu uoso ua Nzambi!

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.

Matendelelu 10:16

Saienu-phe o mabôlo ma miẋima ienu, phala ki mu kale dingi muʼathu mua bhukumuka ilunji.

Matendelelu 30:6

Jihova Nzambi ié ua-nda ku ku saia o muxima ué moxi, ni muxima ua mbutu ié ia-nda ku ku kaiela, phala kuzola jinga Jihova Nzambi ié ni muxima uoso, ni muenhu ué uoso, nda u kole muenhu.

Filipe 1:1

Eme Phaulu, ni Timote, abhika a Kristu Jezú, tua tumikisa o mukanda iú ku mundu uoso ua Nzambi mua Kristu Jezú, a tungu mu mbanza ia Filipe. Mukanda uia ue ku adiakime a Ngeleja, ni kua ió a mu kalakala-mu, o Jibispo ni Madiiakono.

Filipe 3:12

Eme ki ngedi kuma nga zubha kiá kutolola, ki ngedi kuma nga tenena kiá. Maji nga jiji ni kuenda, phala nga kà tambule kioso eme kia ngi kuatela Kristu Jezú.

Filipe 3:14

Eme nga suina ni kulengela kubhiẋila bhu mbambe bhua kà bhana o dilau dia tu ixanena ku diulu kuala Nzambi, mua Kristu Jezú, phala o muenhu ki uabhua.

Kolose 2:11

Enu-phe a mi bokuesa mua muène ni ku mi saia, kana mu kusaia kua kubatula kaxitu ku mukutu, kala ki bhanga athu, maji mu kusaia kua muène Kristu, kua ku mi kula ku nguzu ia mukutu iú ua ituxi.

Juda 1:20

Maji enu-phe, akuetu, nga mi zola, suinenu ni kuia dingi ku pholo mu kuxikana kuenu ku muala na-ku, kuma kiene o kixikanu kikôla ki mua kuata. Muila ni kusamba jinga mu nguzu ia Nzumbi Ikôla.