Filipe 2:4 - O Mikanda Ikola

⁴ Ki bhu kale ue muthu a xinganeke ngó ima iê-muène, maji enu oso mu xinganeka ue ima ia akuenu.

Filipe 2:4 Iomraidhean Croise

Estere 2:22

Moledekai anga u kʼivua, u ki jimbuila na mvuale Estere; Estere anga u ki jimbuila muenexi mu dijina dia Moledekai.

Dialuilu 32:6

Mozé anga u ambela anʼa Ngade ni anʼa Lubene, uixi: Kífua akuenu aia ku ita, enu mu xikama ku sámbua kunu?

Matesu 18:6

Uoso-phe ku tuana tutu, tua ngi xikana, u fudisa-ku kamona kamoxi ku ngi kaiela Eme, kia mu tokala o ku mu nhenga kiditadi mu xingu, ni ku mu bobesa muʼalunga mua zongo.

Loma 12:15

Sangulukenu kumoxi ni iá a sanguluka, dilenu kumoxi ni iá a dila.

Loma 15:1

Etu-phe tuala ni nguzu mu Akuxikana, tua tokala tu kuatekesa oso a bhuila, kuambata o imbamba iâ. Kana ku kuata ku di uabhela ngó etu-ene.

I Kolindo 10:24

Muthu ka sote kubhanduluka ngó muene, maji a sote ue o kubhanduluka kua akuâ.

II Kolindo 11:29

Ki bhu kala muthu ua bhuila, eme uami ki ngi bhuidisa. Se bhu kala muthu u di bhala mu ituxi, eme-phe ki ngi tatesa kiavulu muene.

II Kolindo 6:3

Kana kubhanga kima kioso-kioso ki bhangesa mukuenu ku di bhala, phala o ungunza uetu ki u kale ni malebhu.

Filipe 2:21

Mukonda akua ene oso a bhindamena ima iâ-ene, ka bhindamena ima ia Jezú Kristu.

Tiiaku 2:8

Enu-phe se mu kumbidila o Kitumu kia Utuminu mua bhange kiambote kala kia mi fuama o kubhanga. Mbata a ki soneka mu Mikanda Ikôla, exi: O mukuenu u mu zola kala ki ua di zola eʼmuène.