Filipe 2:3 - O Mikanda Ikola

³ Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

Filipe 2:3 Iomraidhean Croise

Jisabhu 13:10

Ukumbu-phe u bheka ngó jimvunda; athu-phe a tetulukʼó, a bhanga ioso ni unjimu.

Luka 18:14

Ngi mi ambela kuma, iú ua kulumuka ni muẋima uazele ku bhata diê, o mukuá, kana! Mukonda uoso u di zangula, a mu tulula; o uoso-phe u di tulula, a mu zangula.

Loma 12:10

Di zodienu mudienu mu undandu uambote mua Kristu, o mu ujitu kala muthu a xile mukuâ.

Loma 13:13

Tuendienu kiafuama o kuzela kala ki bhanga oso ala mu mukengeji ua muanha. Kana kuenda mu masemba ni mauhôlua, kana mu maundumbu ni maufusa, kana mu jimvunda ni mafuba.

Loma 2:8

Maji ua kà lunduluila o njinda iê ni kaxtiku kê ku thandu dia oso-phe akua luimbi, o kubhanga o mbote a ku tokoka, anga enda ni kukaiela ioso iaiibha.

I Kolindo 15:9

Kuma ku Jipoxolo joso eme ngala-ku ngi ndenge, ki ngi fuama ku ngʼ ixana ngi Poxolo, mukonda eme nga zukutisile o Ngeleja ia Nzambi.

I Kolindo 3:3

Mbata ki mua di kala ni dixingʼ okio, enu mua mu di kuata mudienu, kifua ki ki mʼidikiza kuila hanji muala mu akua xitu, muala kuenda mu kikexilu kia athu oso?

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

Ngalásia 5:15

Maji se mu kala uila mu iama, ni ku di ta mazu, ni ku di hamena mudienu, di langienu-phe, kuma muanda kudiua enu oso, hé mu jima o mbutu, se mu kamba kukuata kilunji.

Ngalásia 5:26

Ki tu kale ni izala, ki tu di thathamese mudietu, ki tu di kuatele dixinga.

Efezo 4:2

Ithangana ioso muila ni kubatâma kuoso, ni kubelesela, ni kuxididika, ni ku di lendukila. Mu londekesa jinga o henda ienu mu ku di kuatekesa kala muthu ni mukuâ.

Efezo 5:21

Anga muia ni ku di belesela enu-enu mudienu, mu uôma ua Kristu.

Filipe 2:14

Ima ioso i mu bhanga i kale sé kufunda, mba kukuata kuzoka,

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

Kolose 3:8

O kiki-phe zulenu-iu iene ioso: Ni njinda, ni kutema, ni phulu, ni kuxinga, ni jindaka jabolo ki ji tunde mu kanu dienu.

I Timote 6:4

muenhó ua nanuka ni ukumbu ua mu kuata, kejiia kima. Muthu u kala kiokio ua juuala ni jiphata ni jimvunda ja kuzuela. Ima kala iii i bhekela dixinga, ni kuzoka, ni kuxinga, ni kufika ima iaiibha,

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.