Filipe 2:2 - O Mikanda Ikola

² ndokuenu mu ngi tenesene o ngalasa iami mu kukala ni ilunji ia sokelela, mu kale ni muenhu umoxi, ni muẋima umoxi.

Filipe 2:2 Iomraidhean Croise

Jisálamu 122:8

Mukonda dia jiphange jami ni makamba mami, nginda muene a kale ni kubhanduluka.

Nzuá 3:29

Mu ukaza, uoso uala ni dibhanga, muène nga-iala. Dikamba-phe dia ngaiala, ua mu imanena ngó ni ku mu ívua, u sanguluka kiavulu, mukonda dia kuívua dízui dia nga-iala. Eme uami ki ngʼ ívua ioso ia-lu bhita, kuene o kuzediua kuami, kua ngi soko.

Jipoxolo 1:14

Ene oso-â anga a jijila ni muẋima umoxi o kusamba ni kubhinga, ni ahatu kiá, ni Madiia dia mamʼ a Jezú, kumoxi ni jiphange joso.

Jipoxolo 2:1

Kizuua kia Pendekoxi ki kia zubhile kubhiẋila, ene oso a kala bhu kididi kimoxi ni muẋima umoxi.

Jipoxolo 2:46

Izuua ioso a jiza ni muẋima umoxi o kubhongoloka jinga mu Tembulu ni kubukula o mbolo ku bhata, hé a kuata kúdia jinga kumoxi ni kusanguluka ni kubatama muẋima.

Jipoxolo 5:12

O maku ma Jipoxolo anga ma kalakala isuma iavulu ni madiuanu mu ʼaxaxe ka mundu, ene oso anga a kala ni muẋima umoxi, a di bhongoluela mu mbalanda ia Solomá.

Loma 12:16

Kalenu ni muẋima umoxi mudienu ua ku di tuma kiambote. Ki mu di zangeleke ni ukumbu, maji mu xikina kubhanga ikalakalu ia kikexilu kiatolo.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

II Kolindo 13:11

Kia xala-ku phange jami, nga mi lekela. Sotenu o kutenena. Ivenu kiambote ioso i nga mù mi ambela. Kalenu muẋima umoxi. Tungenu ni paze. O Nzambi ia henda ni paze anga u kala ni enu.

II Kolindo 2:3

Kiene ki nga ki sonekena mu mukanda uenhó. Kuma eme ki nga mesenene kuia, anga a mi kuatesa mukondo kuala athu ió a tokalele kuila ene a ngi sanguluisa. Kuma eme nga mi dielela kuila kioso eme ki ngi kala ni kuzediua, o ngalasa iami i kala ngalasa ienu enu oso.

II Kolindo 7:7

O kutana-phe ngó ni kuiza kuê muène ki kuene, maji ue ni njimbu ia kutululuka kuê kua mono ko-kuenu ku mua mu tululukisa na-ku. Muène ua tu kundu o ngùnzu ienu i mua ngi kala na-iu, iú ua tu tangela ue kuila muala ni malamba avulu, katé muala polondo ia ku ngi luila o mvunda. Kienhiki, nga zediua dingi kiengi.

Filipe 1:4

Ithangana ioso mu kusamba kuami, kioso ki ngi mi bhingila enu oso, ngi bhinga ni ngalasa.

Filipe 2:16

Mu ku a tela o Maka ma muenhu, muenda ni kumoneka mu ʼaxaxe kâ kala mu mikengeji ia jithethe-mbua ku diulu. Se kiene ki mu bhanga, eme ue ngi kala ni kia kutela thathe bhu kizuua kiná kia Kristu. Phala ki ngà kèle kala nga huha dikanga dioso, maji nga tale ngó hadi ia hatu.

Filipe 2:20

Kuma ki ngala dingi ni muthu ua sokela-nê muẋima, u mi kala ni muanu ua kidi mu ku mi tambula konda.

Filipe 4:2

Ni Evodia, ni Sindike nga a diondo, adi luulule, a kale muẋima umoxi mua Ngana.

Kolose 2:5

Kuma sumbala mu xitu ngala kuengi, mu nzumbi-phe ngala kuene ku mualʼoko. Ngala mu tana mu kutala o ku di tuma kuenu mudienu, ni kukolokota kuenu mu kuxikana Kristu.

II Tesalonika 2:13

Tua tokala-phe tu sakidila jinga Nzambi, mukonda dia enu, mu jiphange jozole mua Ngana. Kuma Nzambi ua mi sola tunde ku dimatekenu, phala mu bhuluke mu nguzu ni kutena kua Nzumbi Ikôla, ni mu ku mi kôlesa nzumbi moxi mu kuxikana o kidi. Muène ua ki bhange, nʼa tena ku mi kitula mu athu a ngene a Nzambi.

II Timote 1:4

Nga mu kuinda ku ku mona kioso ki ngi xinganeka o masoxi mé, phala kioso ki ngi ku mona, ngʼizale ni ngalasa.

Filemone 1:20

Kala kiki, phangʼiami, ndoko kia mukuetu, u ngi bhange o mbote mua Ngana, mbé u ngi nhohese o muẋima kuma ngala ngi phangʼié mua Kristu.

II Nzuá 1:4

Nga sanguluka kiavulu, ki ngevu kuma anʼê amoxi ala kuenda mu kidi uila kia tu bhana Tata o kijila.

III Nzuá 1:4

Kana kima ki kala kota mu ku ngi bhekela ngalasa, ki kale ngó kienʼ iki, o kuivua anʼ ami kuma ala kuenda mu kidi.