Filipe 1:4 - O Mikanda Ikola

⁴ Ithangana ioso mu kusamba kuami, kioso ki ngi mi bhingila enu oso, ngi bhinga ni ngalasa.

Filipe 1:4 Iomraidhean Croise

Marku 5:5

Ni mu muanha ni mu usuku, u nanga jinga ku jimbila ni ku milundu, mu kudikola-kola ni ku di kuama ni matadi.

Luka 15:10

Nga mi ambela kuma, kiene ue, o kusanguluka kuvula ku pholo ia ji-anjo ja Nzambi, mukonda dia mukua-ituxi umoxi u diela.

Luka 15:7

Nga mi ambela, kuma kiene ue ku diulu, o kusanguluka kuâ kuvula dingi, mukonda dia muthu umoxi ua diela ituxi iê, ki ki soko ni makuinhʼivua a muthu nʼivua aiuka, ka bhingi dingi kudiela.

Loma 1:9

Mbata, o Nzambi ngene ku mu bheza ni muẋima uami uoso, mu kutula o Njimbu Iambote ia tokala Monʼ ê, uala mbangi iami kuila nga zuela kidi. Ngana Nzambi ua kʼijiia kuila izuua ioso ngene ku mi lembalala,

Filipe 2:2

ndokuenu mu ngi tenesene o ngalasa iami mu kukala ni ilunji ia sokelela, mu kale ni muenhu umoxi, ni muẋima umoxi.

Filipe 3:18

Kuma sai-ku avulu enda kala ki nga mi tangela jinga luavulu kiá, ni kiki ngi mi tangela dingi, ni kudila, kuila ala jinguma ja dikulusu dia Kristu.

Filipe 4:1

Uila kiki, enu jiphange jami nga mi zola, nga mʼindi kiavulu, o ngunzu ue iavulu i nga mi kala na-iu! Enu muala mu ngalasa iami, mu kitundu kiami, kolokotenu kiá kieniiki mua Ngana, enu akuetu.

Kolose 2:5

Kuma sumbala mu xitu ngala kuengi, mu nzumbi-phe ngala kuene ku mualʼoko. Ngala mu tana mu kutala o ku di tuma kuenu mudienu, ni kukolokota kuenu mu kuxikana Kristu.

I Tesalonika 1:2

Etu tua mu sakidila jinga Nzambi, mukonda dia enu oso, ni ku mi bhingila mu misambu ietu.

Filemone 1:7

Kuma eme ngala ni ngalasa iavulu ni kutululuka mukonda dia henda ié, mukuetu, kuma iene ku ngi suinisa. Mukonda eie uene mu kubhetula o miẋima ia mundu ua akua-Ngana oso.

II Nzuá 1:4

Nga sanguluka kiavulu, ki ngevu kuma anʼê amoxi ala kuenda mu kidi uila kia tu bhana Tata o kijila.