Filemone 1:9 - O Mikanda Ikola

⁹ Inda-phe ngi ku dionda, mukonda dia henda ié i nga ku kuatela, maji ngandala ngó ku ku bhinga kima kimoxi. Sumbala ngala ngi Phaulu dia muthu Uokulu kiá, ngunza ia Kristu Jezú, hutile iê.

Filemone 1:9 Iomraidhean Croise

Jisálamu 71:18

O ki nga kukʼiki, ngʼedi kiá bobòbo, ni jimvi mu mútue, kana dingi ku ngʼehelela, Ngana Nzambi; katé ki ngi longa o muiji iú ua lelu, kioso ki endesa o lukuaku lué, o oso ue a kèze-ku, nʼa kʼejiie ki kala o kutena kué.

Jisálamu 71:9

Kana ku ngi kaia mu thembu iami ia kukuka; kana ku ngʼehelela ki u mona nguzu ií ngi bhua kiá!

Jisabhu 16:31

Jimvi kitundu kia ujitu, se uala na-ju mu njila ia kuiuka.

Izaía 46:4

Ki tualʼiki katé ni ku jimvi; mukonda eme nga mi vuala, nga-nda ku mi sasa, nga kà mi ambata anga ngi mi langa.

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

II Kolindo 5:20

Kala kiki, tua mu zuela bhabha mu dijina dia Kristu, kala muene Nzambi uala ku mi ambela mu makanu etu, kuila: Mu dijina dia Kristu, ehelenu Nzambi a mi bilule mu tunde mu kukala mu jinguma jê, a mi bhange mu makamba mê.

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

Ngalásia 3:26

Mukonda enu oso mua di bhange mu anʼ a Nzambi, mu kuxikana Kristu Jezú.

Efezo 3:1

Mukonda dia kiki, eme Phaulu, ngi Pelezu ia Kristu Jezú, mu mulonga uenu mu akua matumbu.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Efezo 6:20

Kiene kia ngi bhekela o kukala ngi mukunji ua Njimbu ienʼíii, sumbala kindalʼiki ngala bhu lubhambu. Kala kiki, ngi sambedienu, phala kuene ku lubhambu ngibhue uôma ni kutula o Njimbu íii kala kioso ki nga tokala kuzuela.

I Timote 1:12

Eme nga sakidila Kristu Jezú, Ngana ietu, ua ngi bhana o kutena kua kubhanga o kikalakalu kiami. Nga mu sakidila muène, kuma ua ngi mono kukala fiiele, iú ua ngi bokuesa mu ungunza uê phala ku mu bhikila.

Tito 2:2

Ambela adiakimi kuma a kale ku mesu azele, a kale ajitu, a kuate kilunji, a di sanze mu kuxikana kuâ, ni mu henda, ni mu kukolokota.

Jihebeleu 13:19

Nga mi bhingi, ku ngi sambela kiavulu, phala Nzambi a ngi vutule kindala ku mi sanga ku mualʼoko.

I Phetele 2:11

Enu akuetu, phange jami, nga mi diondo, mu asonhi, mu jingenji mua tundu mu ixi ienu enu muala ku jixi jengi, kulenga jinga jihânji ja xitu ji lua ita ni muenhu ua muthu.

Afundixi 21:22

O ki kala a-tatʼâ, ni phange jâ ja mala, eza kudikola kókuetu, tua kà ambela, kuma: Tu bhanienu-nâ mu henda; kuma ene ka tenene ku ahatu oso a a kuatela mu ita mumu, enu uenu ki enu mua a bhana-nâ mu vondadi; kuma se enu mua a bhele-nâ mueji kukala ni kuêla.