Filemone 1:24 - O Mikanda Ikola

²⁴ Ni Marku, ni Aristarko, ni Demase ni Luka, akalakadi ni akuetu, a tumu uâ ku mi menekena.

Filemone 1:24 Iomraidhean Croise

Jipoxolo 12:12

Phetele kia sunga kilunji, u di tela ku onzo ia Madiia, mamʼ â Nzuá, jina diê diamukuâ Marku. Kueneʼoko kua bhongoloka athu avulu ala mu samba.

Jipoxolo 12:25

Barnabé ni Saúlu anga a vutuka, a tunda ku Jeluzaleme, kia zubha kuku o ukunji uâ ua kubhindumuna; anga a bhitula-ku Nzuá, jina diê diamukuâ Marku.

Jipoxolo 13:13

Kiki Phaulu ni akuâ a di longela mu Pafu, anga a zauka katé ku Peleje mu Pamfidia. Nzuá dia Marku, anga u a xa bheniobho, hé u vutuka ku Jeluzaleme.

Jipoxolo 19:29

Mbonge ioso anga izala kavanza. Mundu uoso anga u di lukula muenhu umoxi, hé a kuata ni kuxinjika Ngaio ni Aristarko, akua Masedonia, ene mu kuenda ni Phaulu, katé mu teiatulo.

Jipoxolo 27:2

Anga tu di longa mu naviiu ia Ndalamito ianda kuia ku matabhu a kibumu kia Azia. Bheniobho anga tu katuka. Aristarko mukua mbonge ia Tesalonika ku Masedonia, hé u kala ue ni etu.

II Kolindo 8:23

Se bhu kala muthu uibhula Tito, muène mukua kisangela kiami, mukalakadi ni mukuetu mu ku mi kuatekesa enu. Se ebhula o jiphange jetuʼiji a mùia ni muène, ene akunji a a katula kuala o jingeleja, athu ene mù bhana ujitu kua Kristu.

Filipe 2:25

Nga ki mono-phe kuila kia bhingi ngi tuma ue Epafrodito kueniʼoko, phangʼ iami, mukalakadi, disoladi ni mukuetu mu ita, oko muène mukunji uenu mua mu tumine o ku ngi bhindumuna.

Filipe 4:3

Ni eie ue u soko diami dia kidi, nga ku diondo, ua a kuatekesa, ahatu enʼió. Kuma ene a ngi bande mu sedivisu ia kusambukisa o Njimbu Iambote, kumoxi ni Kelemende ue, ni amukuâ dingi u nga kalakala-nâ, majima mâ moso mala mu divulu dia muenhu, dia tokala Nzambi.

Kolose 4:10

Aristarko, ngala-nê muʼaleia, ku upelezu, ua mi menekena, ni Marku muebhu a Balanabé. Muène Marku mua muivu kia lekalu iê, koko se ua mi sange, mu tambuludienu kiambote.

Kolose 4:14

Luka, kamba dietu dia muẋima, musaki a jihaxi, ni Dema, a mi menekena.

I Phetele 5:13

O Ngeleja kunu ku Babilonha, iòsole ue kua Nzambi kumoxi ni enʼuenu, ia mi menekena. Ni monʼami Marku ua mi menekena.

III Nzuá 1:8

Athu a kala kiki, etu tua xikana, tua fuama kua a tambulula, ni ku a kuatekesa mu kukalakela o kidi, phata etu tu kale ni mbandu mu kikalakalu kiâ.