Filemone 1:16 - O Mikanda Ikola

¹⁶ Mukonda mu kindalʼumu, o muène kala dingi ngó mubhika, maji mubhika ndenge kiá, kuma uala phange ia jihenda mua Jezú Kristu. Muène ni kidi, phange ia jihenda ko kuami. Maji kotakota dingi mu jihenda ko kué, ni ku ubhika mu xitu, ni ku uphange mua Ngana.

Filemone 1:16 Iomraidhean Croise

Matesu 23:8

Enu-phe kana ku mʼila Mesene. Kuma sai Mesene ienu imoxi, enu oso mu jiphange.

Jipoxolo 9:17

Ananiia anga u katuka, hé u bokona mʼonzo ia Juda, o kia tula maku ku thandu dia Saúlu, uixi: Phangeʼ ami Saúlu, o Ngana ietu Jezú ua ku tukulukila mu njila ia Damásku mu uejiia, muène ua ngi tumu ku ku tonesa o mesu, phala uende ni kumona dingi luamukuâ, u izale ue ni Nzumbi Ikôla.

I Kolindo 7:22

Kuma uoso a mu ixana kuala Ngana mu ubhika muala, ua biluka fôlo ia ngene ia Ngana. Kiene ue kimoxi o muthu uala fôlo a mu ixana kuala Kristu, uala mubhikʼ a ngene a Kristu.

Kolose 3:22

Enu abhika, tumakenu oso jingana jenu mu xitu. Kana kukumbidila ngó ku mesu mu ku di uabhesa ku athu, kioso ene ki a kala mu ku mi talesa, mbé a tene ku mi uabhela, maji kota kukumbidila ni ufiiele ua muẋima ku uôma ua Ngana.

I Timote 6:2

Oso ue ala ni jingana jâ ja xikana kiá, ka a tobhese mukonda dia kukala jiphange jâ mua Ngana. Inda a bete ku a kalakela, mukonda o jingana a-ndu tambula o ikalakalu iâ iambote, ala axikani, phange jâ ja kazola. Imʼiii ia bhingi u i tendelela.

Jihebeleu 3:1

Uila kiki, enu jiphange jami mu kuxikana, mua tokala mu kixanu kia Nzambi, talenu kua Jezú a mu tumikisa Nzambi phala kukala Nganga ia Dikota, tua mu fisala mu kuxikana.

I Nzuá 5:1

Uoso u xikana kuma Jezú muène Kristu ió muthu a mu vuala kua Nzambi. Uoso-phe u zola o tata ua vuala, u zola ue ni mona a mu vuala kuala o tata ienhoio.