Filemone 1:13 - O Mikanda Ikola

¹³ Sumbala ngendile kuila ngi kala-nê kunu, mbé bhu kididi kié-eie, muène ende ni ku ngi kuatekesa, kiosuʼiki ngala mu kaleia mukonda dia Njimbu Iambote.

Filemone 1:13 Iomraidhean Croise

I Kolindo 16:17

Nga sanguluka kia ngi sange Setefano ni Fortunato, ni Akaiuko, kuma ene mukonda dienu-enu mua kambe-bhu, kioso kia ngi kambele ku mbandu ienu, a ngi zubhila-kiu.

Efezo 3:1

Mukonda dia kiki, eme Phaulu, ngi Pelezu ia Kristu Jezú, mu mulonga uenu mu akua matumbu.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Filipe 2:30

Kuma o sedivisu ia Kristu, Epafrodito ia mu bhekele mu kukamba ngó kʼofele phala kufua. Muène-phe ua zembe o muenhu uê, mu ku ngi dikila eme, bhu kididi kienu mua kambele-bhu.

Filemone 1:1

Eme Phaulu, hutile mukonda dia Kristu Jezú, kumoxi ni phange ietu Timote, tua sonekena Filimone tua mu zola, mukalakadi ni mukuetu, ni Ngeleja ioso ialù bhongoloka ku bhata diê.

Filemone 1:10

Mu kienhiki, nga ku diondela Onézimo, ua di bhange monʼami ua kidi nga mu vuala mua Kristu Jezú. Mukonda kioso ki ngala ku malubhambu muʼaleia, kiene ki nga di bhange ngi tatʼâ mu nzumbi.

Filemone 1:12

Muenié-iú nga mu kutumikisa-né dingi, kifua muène ualuia kumoxi ni muẋima uami eme-muène.