Dimatekenu 1:1 - O Mikanda Ikola

¹ Mu dimatekenu Nzambi ua bhanga diulu ni ixi.

Dimatekenu 1:1 Iomraidhean Croise

II Jisobha 19:15

Ezekiia bhenhobho anga u samba bhu pholo ia Jihova, uixi: Ó Jihova, Nzambi ia Izalaiele, tata! Eie ua tunga mu kaẋi ka jixelube; eie muene ngó ubhekʼèlele ué! Kuma Eie ngó u Nzambi ia miji ioso Kulu dia Mundu; eie uà bhanga o diulu ni ixi!

I Malunda 16:26

Kuma o jinzambi joso ja ifuẋi mu jixi, iteka ia kingoho; maji o Jihova-phe muene uabhange o diulu.

II Malunda 2:11

O Hilamu, sobha ia Tilu, mu kuvutula u soneka anga uambela Solomá, uexi: Mukonda Jihova ua zola o mundu uê, ua a tela-ku eie ku usobha.

Nehemiia 9:6

Eie Ngana, eie-muène ubheka ué, eie ua bhange o diulu, ni diulu dia madiulu, ni kifuxi kiê kioso; ni oxi ni ima ioso iala-mu; o misanza ia kalunga ni ima ioso iala-mu; eie Ngana anga ene oso u a bhana o muenhu, anga kifuxi kia diulu ki kala mu ku ku bheza.

Jobe 26:13

O diulu ua di kembesa ni Nzumbi iê; O lukuaku luê luene lua iudika o kinhoka ki di nhonga jihata.

Jobe 38:4

Eie ua kexile kuebhi kioso eme ki nga te madisesa ma ixi? Ngi tangele-kiu hanji se eie uejiia muene.

Jobe 9:8

Muene ubheka uê ua zale o diulu, anga uendela ku thandu dia kalunga kazongo.

Jisálamu 102:25

Eie tunde mʼokulu, eie ua tunga o disesa diaʼxi; o maúlu ufunu ua maku mé.

Jisálamu 104:24

Eie, tata, u Jihova, ikalakalu ié kuvula kuahi! Iene ioso ua i bhange ni uhete, o mu ngongo muezala ni jimbongo jé!

Jisálamu 104:30

Eie-phe kioso ki u a tumikisa ngó o Nzumbi ié, jixitu jiza dingi; kienhiki mu ngongo mueza dingi mienhu iengi, ngongo anga i fukuluka dingi kiengi.

Jisálamu 115:15

A mi zediuise kuala Jihova, ua bhanga o diulu ni ixi.

Jisálamu 121:2

Kubhanduluka kuami ku tunda kua Jihova, Ua bhanga o diulu ni ixi.

Jisálamu 124:8

Kubhanduluka kuetu kuala mu dijina dia Jihova, muene ua tena kubhanga o diulu ni ixi.

Jisálamu 134:3

A mi bhane dibesá di tunda mu Ziione, o dibesá dia Jihova ua bhanga o diulu ni ixi.

Jisálamu 136:5

Ua kala ni uhete ua kuiudika maúlu; kuma kulenduka kuê ki kuene kúbhua.

Jisálamu 146:6

Ua bhanga o diulu ni ixi, ni menha a kalunga, ni ima ioso iala-mu; mukua kukumbidila o kidi katé ku hádia ni hádia, sé kufula.

Jisálamu 33:6

Kizuelu kia Jihova kiene kia bhanga o diulu; kifuẋi kioso kiala-ku kiejila ku muha ua dikanu diê.

Jisálamu 33:9

Kuma muene uazuela ngó, ioso ia di bhange; Kia tumina dingi, ima ioso ia tukuluka.

Jisálamu 8:3

Kioso ki ngʼila ngi talesa ku diulu, ku ufunu ua milembu ié, ku mbeje ni jithéthembua ji ua iudika, ngʼamba, ngixi:

Jisálamu 8:4

Muthu muene ua soko kiebhi, phala eie ku mu suua? Mba monʼa muthu, kuila eie u mu ta muẋima?

Jisálamu 90:2

Kioso milundu kiluua a i vuala, ni mavu ni ixi kiluua u i umba, tunde xahulu katé ku hádia, eie Nzambi u nangenena.

Jisálamu 96:5

Mukonda o jinzambi ja ifuẋi ioio, iteka ngó; Jihova phe muene ua bhanga o diulu.

Makatukilu 20:11

kuma mu izuua isamanu muene mua iudika Jihova o diulu ni ixi, ni kalunga, ni ima ioso iala-mu, anga unhoha kia kasambuadi; kia bhangesa Jihova kubenzela o kizuua kia sabhalu, iu ua ki kôlesa.

Makatukilu 31:18

O kia zubha ku di kunda ku mulundu ua Sinai, muene u bhana kua Mozé ibasakasa iiadi ia umbangi, ibasakasa ia matadi, ósoneke ni mulembu ua Nzambi.

Jisabhu 16:4

Jihova ima ioso ua i iudikila ni dizubhilu diê dia i tokala; katé ni mukua phulu, o bhuilu diê o kizuua kia jingongo.

Jisabhu 3:19

Katé Jihova muene, ixi ua i bhange ni unjimu, o diulu ua di iudika ni kuijiia kuê.

Ndongixi 12:1

Mu izuua ia unzangala ué, lembalala Ió uoso ua ku bhanga, kiosuʼiki o izuua iaiibha kiluua i bhixila, anga kuiza o mivu ia ku bhingi kuila, uixi: Mu mivu iii ki ngala-mu dingi ni kusanguluka.

Izaía 37:16

Jihova dia Ilômbo Ieta, u Nzambi ia Izalaiele, ua tunga muʼaxaxi ka jixelubí, eie-muène ngó u Nzambi, Eiemuène ngó ubheka ué, uavu mautuminu moso mu ngongo; eie ua bhanga o diulu nʼoxi.

Izaía 40:21

Manhi ki mu kʼijiia? Manhi ki mu kʼivua? Inga tundé ku dimatekenu kienʼiki muene kiluua a mi tangela-kiu? Mbé madisesa ma oxi ki mu ma tongolola?

Izaía 40:26

Bhetulenu-phe o mesu menu bhulu, mu talese. Nanhi ua bhanga o ima ioso iii? Ió u tena kubhangesa kuila kifuxi kiê kutunda mu imʼiii hé u kiʼalula; Ió u tena kuixana o jithéthembua joso ku majina mukonda dia unéne ua nguzu iê, kuma-phe o mu kutena ni mu ku suina muene Ngungu-a-Nzumba, kana-bhu kima ki tena ku di nhunga.

Izaía 40:28

Manhi kua kʼijiia, kua kʼivua kuila o Nzambi ió uà kaiela-ku, muene Jihova, o Mubhangi a ixi ioso Katé ni jihota jê, kene kuzônda, kene kubhuila? O kilunji kiê ki bhuene muthu utena kuzubha ku ki ijiia?

Izaía 42:5

O Nzambi, Jihova uà bhanga maúlu, iu ua ma zala, ua futununa oxi ni ima ioso iene-mu; mukua ku bhana o kubhuima ku mundu uoso uala-mu, ua bhana o nzumbi kua ió a-lu nhungina-mu, uixi:

Izaía 44:24

Jihova dia Mukudi ué, ua ku bhange ki uala mu divumu, uambe kiki: Eme Jihova ngene kubhanga ioso, diulu eme-muène nga di olekele ubheka uami, oxi nga i zale se muthu ku ngi kuatekesa;

Izaía 45:18

Kuma kiene kiambe Jihova, ua bhanga o maúlu; Nzambi ua tenene kumba oxi, iú ua i iudika; ua i xikika, ka i ʼxia kiṗhulungunzu kia hatu, kana; ua i bhanga phala athu ku tunga-mu, uixi-phe: Eme-muène ngi Jihova, ki kuene uengi.

Izaía 51:13

Anga u jimba Jihova ua ku bhanga, uoleka o maúlu iu ua xikika oxi, anga kumbi dioso dia kambàmba uizalʼé ngó kimbuua kia mubuikixi, kia di iudika phala kubuikisa? o kiki-phe, o njinda ia ió uoso ua ku tatesele, ii kuebhi?

Izaía 51:16

Eme-phe ngi ta maka mami mu kanu dié, hé ngi ku vungina ni kilembeketa kia lukuaku luami, phala kuxikika o diulu, phala ue kusoma oxi, ni kuambela ue Ziione kuma: eʼmuène u povo iami.

Izaía 65:17

Talesa, kuma eme ngi iudika kiá maúlu mobhe ni oxi iobhe; o ima ia bhiti kiá ki bhu kala dingi ku i banza, né ngó kuiza mu kilunji, lémbua.

Jelemiia 10:12

Jihova ua bhange oxi ni kutena kuê; muene ua xikika o ngongo mu kuijiia kuê, o diulu ua di zale ni kutongoloka kuê.

Jelemiia 32:17

Auá! Jihova, tata! Eie ua iudika o maúlu ni ixi, ni kutena kuoso kua nguzu ié, ni lukuaku lué lua sununuka; kanaku kima ki u mona kuila kisunji ku mesu mé.

Jelemiia 51:15

Kuma muene ua bhange o ixi ni kutena kuê, o ngongo iú ua mu i tumina ni kuijiia kuê, iú ua zale o diulu mu unjimu uê.

Zakadiia 12:1

O mabatuilu ma Jihova ma bilukila Izalaiele. Jihova ua zala o diulu, iú ua te o madisesa ma ixi anga u bhanga o nzumbi ia muthu moxi diê, ua zuela, uixi:

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Marku 13:19

Kuma izuuʼoio kua kala divuua dia dikota, kiluua ngo di kala-ku tunde ku dimatekenu dia Nzambi kukalakala ima ioso kate lelu; ne ku hadia ki di moneka luiadi!

Jipoxolo 14:15

Enu jingana! Mu bhangela-hi kiki? Etu uetu tuala tu athu ni akuenu, o jihânji jene jimoxi! Tua mi bhana-phe o Jingolokela Jambote kuila mu-xa imʼ iii ia makutu, mu lunge kua Nzambi ia muenhu, ua tena kubhanga o diulu ni oxi, ni musanza ua kalunga, ni ima ioso iala-mu.

Jipoxolo 17:24

Nzambi i tena kubhanga oxi, ni ioso ialamu, muene kuma Ngana ia diulu ni oxi, ka tena kutunga mu jitembulu jokalakale ni maku.

Jipoxolo 4:24

O iá, ki a zubha ku kʼ ívua, a zangula dízui mu kusamba kua Nzambi ni muenhu umoxi, exi: Ngana, eie ua bhanga o diulu ni oxi, ni menhʼ a kalunga ni ioso iala-mu!

Loma 11:36

Mukonda o ima ioso muène ua i bhanga, o ima ioso iala-ku, iemanena mua muène, phala muène. O fuma i kale iê-Muène ku mivu ni mivu sé dizubhilu. Amén!

I Kolindo 8:6

Etu-phe kua tu kala ngó Nzambi imoxi. Muène Tata ua bhanga o ima ioso, etu tuala kulaia phala muène. Sai-ku ue Ngana imoxi ngó, muene Jezú Kristu; o kua Muene kuene kua bhangela o ima ioso; o muenhu u tuala na-u tua u muena kua Muène.

Efezo 3:9

Phala ue kuidikisa athu oso o kikutu kiki kia kexile kiòsueke tundé xàhulu kua Nzambi ua bhanga o ima ioso.

Jihebeleu 1:10

Muène ue uixi dingi: Eie Ngana, ku dimatekenu ua bhangele oxi, o maulu ua ma kalakala ni maku mé eie-muène.

Jihebeleu 1:2

Maji kunu kua suku o izuua, ua tu zuelela kua Monʼê. O mua Monʼê, Nzambi muène mua bhangela o ima ioso iene mu ngongo.

Jihebeleu 11:3

Tua kʼ ijidila mu kuxikana, kuila o ngongo ia di bhangele mu kizuelu kia Nzambi, o imbamba ia moneka, ia tomboka mu íii ia kambe kumoneka ku mesu.

Jihebeleu 3:4

Kuma dibhata dioso di bhinga muthu u di tunga; ua tungu-phe o ima ioso, Nzambi.

II Phetele 3:5

Ene-phe akua kuzombala enhá, a jimbi-ku luelu, kuila kua kexile maulu mʼokulu, ni oxi, ia tomboloka mu menha, mu ʼaxaxi ka menha, mu kizuelu kia Nzambi.

I Nzuá 1:1

Tua mi sonekena o kima kia kalé tunde ku dimatekenu dia mundu, o Diambu diene dia muenhu. Etu tua dʼivua, tua di mona ni mesu etuʼèlele muene. Ni kidi muene, etu tua di tongolola, tua di babata ni maku metu.

Dijingunuinu 10:6

anga u loka mu dijina dia Nzambi, ió ueniê ni muenhu uê katé ku hádia ni hádia, ua bhanga o diulu ni ima ioso iala-mu, ni oxi ni ima ioso iala-mu, ni musanza ua kalunga ni ima ioso iala-mu. Anju anga i zuela, iexi: Ki kua-ndu kala dingi kukokoloka!

Dijingunuinu 14:7

Anga u tanga ni dízui dia suina, uixi: Nzambi mu kuatedienu uôma, mu ximanienu o unéne uê! Kuma o kumbi diê dia kufundisa athu oso dia bhixila! Mu bhezienu, ió ua bhanga o diulu, ni oxi, ni musanza ua kalunga ni jithu ji fuafua o menha!

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.

Dijingunuinu 22:13

Eme ngi Alafa ni Omeka; nga Dianga, nga Sukidila; ngi Dimatekenu, ngi Dizubhilu.

Dijingunuinu 3:14

O Anjo ia Ngeleja ia Laodiseia, mu sonekene kiki: Eme Amén, mbangi ia fiiele ia kidi, muène o dimatekenu dia imbamba ioso ia bhanga Nzambi, uambe kiki:

Dijingunuinu 4:11

Eie u Ngana ietu, Nzambi ietu! Kia ku fuama o kutambula fuma, ni ujitu ni unéne. Mukonda éʼMuène ua bhanga ioso, o vondadi ié iene ia i bhangesa kuiza-ku, íi ia di bhange, íi iala-ku.