Dijingunuinu 9:2 - O Mikanda Ikola

² Anga muène théthembua u jikula mu dikungu dia mukiukuluku, anga mu dikungu mu fuafua dixi kala dixi dia dijiku dia dikota. Ni ku dikumbi, ni kuma kuoso, anga ku vunda mukonda dia dixi dia dikungu.

Dijingunuinu 9:2 Iomraidhean Croise

Dimatekenu 15:17

Anga ki bhita-phe kuila, o kia zubha kutula o dikumbi, kuma anga ku vunda kiá muene, u mona dijiku diala mu fuafua dixi, ni sama ia uama túbhia, ia bhiti mu kaẋi ka isasu ienhoio.

Dimatekenu 19:28

o kia talela ku Sodoma ni ku Ngomola, ni ixi ioso ia ngânga, u mona ixi ioso iala mu tuka dixi, kala kitumba kia uama.

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Izaía 14:31

Eie u dibhitu, dila kala kimbùngu; eie u diembu, dikole; kiene ki ualʼokio, eie Fidíxia, ua sengumuka muene; mbata ku suku kua-nda kutunda dixi, ki bhua-nda ku kala muthu ubhulaka.

Daniiele 3:6

Uoso u kamba kufukama ni ku ki bheza, mu uola ienhoio a-nda ku mu takuila mu kijiku kia uama túbhia tua muzukuta.

Jouele 2:10

Mu ku a mona ixi ia kà teketa, maúlu a kà di tungutisa, a kà zamba; ni dikumbi ni mbeji a kà di teka hé a kà xiketela, jithéthembua kubenha kuâ a kà ku katula-ku.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Jouele 2:30

Nga kʼèdikiza isuma mu dimbinza ku diulu ni mu ngongo bhoxi, túbhia ni manhinga ni mifundangaia ia matuta ma dixi.

Jipoxolo 2:19

Nga kʼ èdikiza isumua mu diulu, ku thandu, ni idiuanu mu ngongo, bhoxi! Kua kà kala manhinga, túbhia, ni ifuke ia dixi.

Dijingunuinu 14:11

O dixi dia túbhia tua kà a tatesa, dia kà banda jinga katé ku hádia ni hàdia! Momo, oso a bheza kiama ni kitèka kiê, ni oso a tambula kidimbu kia dijina diê, a kà tala hadi muanha ni usuku ka nhoha.

Dijingunuinu 16:10

Anju ia katanu anga u lundulula o nganza iê ku thanduʼa kiandu kia kiama. O utuminu uê anga u kala mua vundu, athu hé a kala mù di kokota o madimi mukonda dia misusu.

Dijingunuinu 8:12

Anju ia kauana anga u xika koloneta iê. O dikumbi anga a di sosolola mbandu ia katatu, ni mbeji ni jithéthembua ue kiomuène, a ji jima mbandu ia katatu, o kubenha kuâ anga kuxoxouela mbandu ia katatu. O kizuua hé ki lémbua kúkia mbandu iê ia katatu, o usuku ue kiomuène.

Dijingunuinu 9:1

Anju ia katanu anga u xika o koloneta iê. Anga ngi mona o théthembua ioio ia kexi ku diulu íi ia lauka bhoxi, ienhiʼii a i bhana o sabhi ia mukiukuluku.

Dijingunuinu 9:11

O sobha iâ, aia-nê mu ku a tumina, muène o anjo ia dikungu ki di moneka hole. Muenhú, o ʼjina diê mu Hebeleu a mu ila Abadoni, o mu Ngelèku exi Apoliioni. (Kifua-phe ambe exi muène Nguma-Ngonga-Kihuènde; Na Zanga-Ioso).

Dijingunuinu 9:17

O mu kisuma kiami, nga mono kienhiki o jikabalu ni athu a ji mondala. A zakela ivunga-thulu ia di fuangana kala túbhia mu kukusuka, ni ku tadi dia azulu, ni kuzeluluka kala xofidi. O mítue ia jikabalu iedi kala mítue ia jihoji, o mu kanu diâ mu fuafua túbhia, ni dixi ni xofidi.