Dijingunuinu 8:8 - O Mikanda Ikola

⁸ Anju ia kaiadi anga u xika koloneta iê. Hé ku kala kima kia di fu kala mulundu ua dikota, ua uama túbhia, a u lundumuina mu musanza ua kalunga. O mbandu ia katatu ia musanza anga i kituka manhinga.

Dijingunuinu 8:8 Iomraidhean Croise

Jelemiia 51:25

Eme bhabhʼú, mu kuzoka nʼeie, eie u mulundu ua kimuanga u muanga ixi ioso, Jihova ua ki tange; lukuaku luami ngi lu sunununa mu kuzoka nʼeie, ngi kumbolomuena muene ku matadi, anga ngi ku bhanga mulundu ua túbhia.

Izekiiele 14:9

Se o musesedi a mu tobhesa, anga u zuela kima kioso-kioso, eme ngi Jihova, eme-muène ngà fundisa o musesedi muenhó; anga nga kà sunununa o lukuaku luami kua muene, hé ngi mu jimisa o mbutu muʼaxaxe ka mundu uami ua Izalaiele;

Amoji 7:4

Jihova Nzambi anga u ngi londekeza dingi kiki: Talesa, ngi mona Jihova Nzambi iú handekela, uala kuixana túbhia phala ni tu mu batuila milonga ioso; tuene anga tu jikinisa o kidikungu kia dikota, anga tu sota kujikinisa ue o mikáu ia undundu uangene ua Jihova.

Zakadiia 13:8

Jihova uambe, kuma: Mu ngongo ioso, ku mbandu jitatu ja ngongo, mbandu jiiadi ja kà jikinina muene, nzaká! A kà fua muene. Maji o mbandu ia katatu iene ia kà subhuka momo.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Marku 11:23

Kidi kiene ngi mi ambela: Uoso ua kela mulundu iu: Zangumuka bhabha, ua ka di vike mu ʼalunga, o ku muẋima ka te-ku phata, maji u xikana kuma kioso kia tange ki bhata, ki mu bhita muene.

Dijingunuinu 11:6

Enhá a kôla, kuma a a bhana kutena kua kuxita ku diulu, mbé ki ku sonoke mvula mu izuua iâ ia kutanga o Njimbu ia Ngana. A a bhana ue kutena kua kukitula o menha nʼa kale manhinga. A tena ue kubuikisa o ngongo ni dibhebhu dioso-dioso, kioso kia mesena ene, mu lukuxi luoso luendi.

Dijingunuinu 12:4

Ni mbônde iê, anga u koka mbandu ia katatu ia jithéthembua ku diulu, hé u ji lauila mu ngongo. Mudikixi anga uimana bhu pholo ia muhatu ua-nda kudisanza, phala kia zubha kudisanza, monʼê a mu die.

Dijingunuinu 8:7

Anju ia dianga anga u xika o koloneta iê. Hé kukala mvula ia matadi ni túbhia, iòlunge ni manhinga, anga a i kuua mu ngongo. Oxi anga i bhia o mbandu ia katatu, o mixi ue ibhia mbandu ia ʼtatu, o iangu ia uisu ibhia iene ioso.

Dijingunuinu 9:15

Anju jiuana anga a ji jituna. Jene ja di polondala phala ola ienhiʼii, ni kizuua, ni mbeji, ni muvu, mbé a jibhe mbandu ia katatu ia mundu mu ngongo.

Dijingunuinu 9:18

O mabhebhu matatuʼama, mene ma jibha o mbandu ia katatu ia mundu mu ngongo: o túbhia, o dixi, o xofidi, ia fuáfua jinga mu kanu dia jikabalu.